სახელწოდებით დაწყებული, მთავარი იდეით გაგრძელებული, „ტოტი“ წარმატებული Startup ბიზნესის ნათელი მაგალითია. მომხმარებლის ხელით შექმნილი თაიგულის იდეა ქეთო ვახტანგიშვილს გაუჩნდა, რომელიც TheDiary-ის მიმდინარე კვირის GOGO! გახდა.
რა, სად, როდის?
ქეთო ვახტანგიშვილი: ტოტის ამბავი სულ ცოტა ხნის წინ დაიწყო, მაშინ როდესაც თაიგულის აწყობას მე თვითონ ვცდილობდით, ჩემი ხასიათითა და გემოვნებით. მაშინვე მივხვდით თაიგულის შექმნის ეს დიდი სიამოვნება სხვა ადამიანებისთვისაც შემეძლო გამეზიარებინა. ამის შემდეგ დაიბადა იდეა სახელად ტოტი, რაც ნიშნავს-შექმენი თაიგულის კომპოზიცია შენით,შენი გემოვნებითა და ხასიათით.
ყვავილებამდე მოვედი…
პროფესიით ჟურნალისტი ვარ, თუმცა ჩემი სამუშაო ყოველთვის მარკეტინგს უკავშირდებოდა. 5 წლის განმავლობაში ვმუშაობდი სხვადასხვა კომპანიებში,როგორც საქართველოში ასევე საზღვარგარეთ. ფოტოგრაფიას ჩემს ცხოვრებში განსაკუთრებული ადგილი ეკავა, ხშირად მას ჩემს პროფესიაშიც ვიყენებდი. დღეს უკვე თავად ვქმნი კონტენტს სოციალურ ქსელში. ვცდილობ ჩემს ფოტოებში მუდმივად იყოს ესთეტიურობა, სინაზე და სილამაზე.
„ტოტი“იმიტომ რომ…
ტოტი საქართველოში პირველი ონლაინ მაღაზიაა, სადაც მომხმარებელს შეუძლია თავად იყოს ფლორისტი. ჩვენს საიტზე განთავსებული ყვავილების ტოტების მეშვეობით მომხმარებელი თავად აწყობს სასურველ კომპოზიციას, სასურველი გემოვნებითა და ბიუჯეტის მიხედვით
გამოვირჩევით…
უცხო ყვავილების ტოტებით.
მთავარი მესიჯი GOGO!-სთვის
შექმენი შენით!
ორი დის მიერ წამოწყებული სტარტაპი უკვე შვიდი წელია, რაც ქართველი მომხმარებლის საყვარელ პროდუქტს ქმნის. საყვარელი ადამიანების გახარება თუ გსურთ, ნეონ გალერის აუცილებლად უნდა ესტუმროთ. და თუ ახალი საქმის წამოწყებაა თქვენი ამჟამინდელი მიზანი, მაშინ სალომესა და ნინუცას რჩევები ძალიან გამოგადგებათ!
ნინეა პირველი ქართული ბრენდია, რომელიც სახლში ჩასაცმელ სამოსს გვთავაზობს. ბრენდი სამი მეგობარი გოგოს შექმნილია, რომლებმაც ოცნება აიხდინეს და უკვე აქვთ საქმე, სადაც არჩევანში თავისუფლები არიან, წესებს თავად ადგენენ და წარმატების ფორმულასაც თავად ქმნიან.
2023 TheDiary-სთვის სიახლეებით დახუნძლული წელი აღმოჩნდა. თუმცა საინტერესო კოლაბორაციების და მნიშვნელოვანი თანამშრომლობების ფონზე, არ დაგვიწყებია ჩვენთვის, ერთ-ერთი ყველაზე ღირებული რუბრიკა: GOGO!, რომლის დახმარებითაც TheDiary დაარსების დღიდან ცდილობს მხარი დაუჭიროს და გააძლიეროს ანტრეპრენერი ქალები და მათი ძვირფასი წამოწყებები. ათეულობით შთამაგონებელი ისტორიის მოსმენის შემდეგ, გვინდა ის გოგოები გამოვარჩიოთ, რომლებმაც თავიანთი მიზანსწრაფულობით, მრავალმხრივი აზროვნებითა და შრომით, შთაგვაგონეს ჩვენც და ჩვენი მკითხველიც.
