მოდის ტრენდებითა და ტენდენციებით, გემოვნებიანი ჩაცმულობებით, თუ უბრალოდ ესთეტიკური ფოტოებით დაინტერესებულთა სიახლეების გვერდზე, MAO.GE ერთხელ მაინც აუცილებლად მოხვდებოდა. უკვე წლებია, რაც MAO.GE მოდის მოყვარულთათვის საყვარელ street style გვერდად იქცა. ბრენდად ჩამოყალიბებული ბლოგის უკან კი მეგობრები, იზაბელა და მაკუნა დგანან, რომლებიც მოდის სიყვარულმა, ათიათასობით გამომწერთან ერთად გააერთიანა.
გოგონებმა ერთმანეთი სამედიცინო უნივერსიტეტში გაიცნეს. თავიდანვე დამეგობრდნენ და მალევე აღმოაჩინეს, რომ უნივერსიტეტის გარდა ბევრი საერთო ჰქონდათ, განსაკუთრებით კი - მოდისა და styling-ის ინტერესი.
მაკუნა: სახელზე დიდხანს არ მიფიქრია, იაპონიის სიყვარულმა მაპოვნინა და ზუსტად ვიცოდი რომ ეს MAO უნდა ყოფილიყო. MAO შავ კატას ნიშნავს, რომელიც შეუპოვრობის, მიზანდასახულობის და წარმატების სიმბოლოა. სახელმა გაამართლა და დღეს MAO.GE ერთ-ერთი წარმატებული ბლოგია, არა მხოლოდ ინსტაგრამ სივრცეში.
იზაბელა: MAO.GE-ს შექმნიდან მალევე შევუერთდი. მე და მაკუნა ერთხელ ბლოგებზე ვსაუბრობდით, მაშინ ეს დიდი სიახლე იყო და სწორედ ამ დიალოგის დროს შემომთავაზა მაკუნამ, რომ MAO ერთად გვემართა. ვფიქრობ, ჩვენმა კოლაბორაციამ ძალიან გაამართლა.
გოგონები აღნიშნავენ, რომ როცა MAO.GE პირველ ნაბიჯებს დგამდა, არ ფიქრობდნენ, წლების შემდეგ ძალიან ბევრისთვის ინსპირაციის წყარო რომ გახდებოდა.
თავიდან პოსტებს ვდებდით ჩვენთვის, იმაზე რაც ჩვენ მოგვწონდა. ნელ-ნელა გამომწერები გვემატებოდნენ და ერთ მშვენიერ დღესაც მივხვდით, რომ MAO.GE უფრო მეტი იყო, ვიდრე ჩვენი საერთო პლატფორმა. ადამიანები გვწერდნენ, თუ როგორ მოსწონდათ ჩვენი გვერდი, თუ რამდენად ეხმარებოდათ ყოველდღიურად. გვწერდნენ იმასაც, რომ სხვადასხვა ივენთისთვის ჩაცმულობას ჩვენი ბლოგის დახმარებით არჩევდნენ. ხშირად გვეკითხებოდნენ აზრს და რჩევებსაც ითვალისწინებდნენ. ეს ყველაფერი დიდ მოტივაციას გვაძლევდა და დღემდე ასეა. უამრავი ადამიანი გვწერს და ვცდილობთ ყველას ვუპასუხოთ.
წლებთან ერთად გამოცდილებაც გვემატებოდა და იხვეწებოდა ჩვენი სტილი და ზოგადი მიდგომა სხვადასხვა საკითხის მიმართ.
დღესდღეობით MAO.GE არის პლატფორმა ყველასთვის - ვისაც მოსწონს fashion. ვცდილობთ ჩვენს გამომწერებს გავუზიაროთ მოდის უახლესი ტრენდები, ტენდენციური ფერები, აქსესუარები და გავაცნოთ დამწყები დიზაინერები.
თუკი მოდის თაყვანისმცემელთა რიგებში ირიცხებით, მაშინ თვალი მიადევნეთ THEDIARY-ს, რადგან ამიერიდან MAO.GE-სთან ერთად ბევრ საინტერესო მოდურ ამბავს გაგიზიარებთ.
ორი დის მიერ წამოწყებული სტარტაპი უკვე შვიდი წელია, რაც ქართველი მომხმარებლის საყვარელ პროდუქტს ქმნის. საყვარელი ადამიანების გახარება თუ გსურთ, ნეონ გალერის აუცილებლად უნდა ესტუმროთ. და თუ ახალი საქმის წამოწყებაა თქვენი ამჟამინდელი მიზანი, მაშინ სალომესა და ნინუცას რჩევები ძალიან გამოგადგებათ!
ნინეა პირველი ქართული ბრენდია, რომელიც სახლში ჩასაცმელ სამოსს გვთავაზობს. ბრენდი სამი მეგობარი გოგოს შექმნილია, რომლებმაც ოცნება აიხდინეს და უკვე აქვთ საქმე, სადაც არჩევანში თავისუფლები არიან, წესებს თავად ადგენენ და წარმატების ფორმულასაც თავად ქმნიან.
2023 TheDiary-სთვის სიახლეებით დახუნძლული წელი აღმოჩნდა. თუმცა საინტერესო კოლაბორაციების და მნიშვნელოვანი თანამშრომლობების ფონზე, არ დაგვიწყებია ჩვენთვის, ერთ-ერთი ყველაზე ღირებული რუბრიკა: GOGO!, რომლის დახმარებითაც TheDiary დაარსების დღიდან ცდილობს მხარი დაუჭიროს და გააძლიეროს ანტრეპრენერი ქალები და მათი ძვირფასი წამოწყებები. ათეულობით შთამაგონებელი ისტორიის მოსმენის შემდეგ, გვინდა ის გოგოები გამოვარჩიოთ, რომლებმაც თავიანთი მიზანსწრაფულობით, მრავალმხრივი აზროვნებითა და შრომით, შთაგვაგონეს ჩვენც და ჩვენი მკითხველიც.
