რბილ ავეჯს ინტერიერის დიზაინში მნიშვნელოვანი როლი ენიჭება, გარდა იმისა, რომ ის თვალისთვის მიმზიდველი და ინტერიერში თითოეულ დეტალთან ჰარმონიულად შერწყმული უნდა იყოს, ამასთანავე კომფორტულობით და ტევადობით უნდა გამოირჩეოდეს. როდესაც ახალი ქართული სტარტაპი Farfalle აღმოვაჩინეთ, რომელიც ორივე კრიტერიუმს იდეალურად აკმაყოფილებს და პლუს ამას საქართველოში წარმოებითაც იწონებს თავს, გადავწყვტეთ ის ჩვენი მკითხველისთვის, მისი დამფუძნებლის წყალობით უმალვე გაგვეცნო:
როდის გაჩნდა Farfalle-ს შექმნის იდეა და რა გზა გაიარეთ იდეის გაჩენიდან მის მატერიალიზაციამდე?
Farfalle შექმნის იდეა გაჩნდა მას შემდეგ რაც ახალ სახლში გადასვლის დროს თავად ვეძებდი ბინისთვის დივანს რომელიც იქნებოდა ყველაზე კომფორტული და გამორჩეული, იქიდან გამომდინარე რომ გამიჭირდა შესაბამისის პოვნა , გამიჩნდა იდეა შემექმნა farfalle რომელიც დააკმაყოფილებდა თანამედროვე დიზაინის გამოწვევებს.
farfalle იტალიურად ნიშნავს პეპელას, პეპელა ასოცირდება პოზიტიურ ცვლილებებთან , არის სიმბოლო ტრანსფორმაციის სილამაზის სიახლისა და ნეტარების
ბაზრის მორგების პროცესი ხანგრძლივია, უნიკალური დიზაინით, ხარისხით, ხელმისაწვდომობით ვცდილობთ მომხმარებლების გულების მოგებას.
როგორ და სად იქმნება თქვენი პროდუქცია?
Farfalle იწარმოება საქართველოში. მინდა ხაზი გაუსვა ჩვენს მაღალ ოსტატობას და ყურადღებას დეტალებზე. ადგილობრივი ხელოსნების უნარები და კვალიფიკაცია არ ჩამოუვარდება უცხოელებისას. ეს გვაძლევს საშუალებას ინდივიდუალური მოთხოვნები დავაკმაყოფილოთ და მოვარგოთ ნებისმიერ კლიენტზე. გვაქვს მოქნილი დიზაინი, ზომები, მასალები და დასრულებები მომხმარებელთა სპეციფიკური საჭიროებებისა და პრეფერენციების შესაბამისად. ვფიქრობ გამოვირჩევით ხარისხით, სისწრაფით და ხელმისაწვდომობით .
ადგილობრივი წარმოება მხარს უჭერს ადგილობრივ ეკონომიკას.
ამ მომენტისთვის ჩვენი დივნები ხელმისაწვდომია მხოლოდ საქართველოში, ვფიქრობთ რომ მომავლისთვის განვათავსოთ ჩვენი დივნები ელექტრონული კომერციის პლატფორმებზე. Farfalle რბილი დივნების შეძენა შეგიძლიათ ჩვენს ინსტაგრამ გვერდზე @farfalle_sofa.
როგორ ფიქრობთ, რა არის ყველაზე მნიშვნელოვანი წარმატებული ბიზნესის დასაწყებად და შემდგომში მის სამართავად?
პირველ რიგში უნდა არსებობდეს სიყვარული იმ საქმის მიმართ რომელსაც ემსახურები, უნდა იყოს კარგად გააზრებული ბიზნეს გეგმა, და უნდა იყო მზად რომ შეეჭიდო გამოწვევებს. ბიზნესის განვითარება დინამიკური პროცესია რაც მოიცავს პროდუქტის სრულყოფილებაზე მუშაობას, სწორი და ნიჭიერი გუნდის შექმნას და უნიკალურ შეთავაზებებზე მუშაობას.
ალბათ როდესაც გჯერა რომ გაქვს კრეატიული წარმოსახვითი მხატვრული მიდგომა გარშემომყოფი საგნების მიმართ, მაშინ აუცილებლად შეგიძლიათ იფიქროთ ავეჯის დიზაინზე როგორც კარიერულ გზაზე. მოტივაციას მაძლევს ის რომ ვეხმარები ადამიანებს მარტივად და ხელმისაწვდომად გაალამაზონ თავიანთი საცხოვრებელი სივრცე .
ნინეა პირველი ქართული ბრენდია, რომელიც სახლში ჩასაცმელ სამოსს გვთავაზობს. ბრენდი სამი მეგობარი გოგოს შექმნილია, რომლებმაც ოცნება აიხდინეს და უკვე აქვთ საქმე, სადაც არჩევანში თავისუფლები არიან, წესებს თავად ადგენენ და წარმატების ფორმულასაც თავად ქმნიან.
2023 TheDiary-სთვის სიახლეებით დახუნძლული წელი აღმოჩნდა. თუმცა საინტერესო კოლაბორაციების და მნიშვნელოვანი თანამშრომლობების ფონზე, არ დაგვიწყებია ჩვენთვის, ერთ-ერთი ყველაზე ღირებული რუბრიკა: GOGO!, რომლის დახმარებითაც TheDiary დაარსების დღიდან ცდილობს მხარი დაუჭიროს და გააძლიეროს ანტრეპრენერი ქალები და მათი ძვირფასი წამოწყებები. ათეულობით შთამაგონებელი ისტორიის მოსმენის შემდეგ, გვინდა ის გოგოები გამოვარჩიოთ, რომლებმაც თავიანთი მიზანსწრაფულობით, მრავალმხრივი აზროვნებითა და შრომით, შთაგვაგონეს ჩვენც და ჩვენი მკითხველიც.
დაახლოებით ერთი თვის წინ, თბილისის შუაგულში, ირაკლი აბაშიძის #61-ში, ახალმა კონცეპტუალურმა მაღაზიამ - Movement დაიდო ბინა. მაღაზიის დამფუძნებელი მარიამ აბულაძეა, რომლისთვისაც მოდა ცხოვრების უდიდეს ნაწილად უკვე წლებია იქცა.
