ყველაფერი, რაც ჰეილი ბიბერის კანის მოვლის ხაზის Rhode-ს შესახებ უნდა იცოდეთ

ჰეილი ბიბერის სადებიუტო კანის მოვლის ხაზი Rhode უკვე ხელმისაწვდომია მომხმარებლებისთვის მთელი მსოფლიოს მასშტაბით. იმის გათვალისწინებით, რომ ჰეილის ცნობილ ადამიანთა შორის ერთ-ერთი ყველაზე გააზრებული კანის მოვლის რუტინა აქვთ, მისი ხაზის მიმართ ინტერესი თავიდანვე საკმაოდ მაღალი იყო.

ჰეილი ბიბერის სილამაზის სამყაროში დებიუტი ვეგანური და cruelty-free ხაზით შედგა, Rhode-ს პროდუქტები შექმნილია ყველა ტიპის კანისთვის, მაშასადამე - ყველასათვის. როგორც ბრენდის აღწერაში ვკითხულობთ, კანის მოვლის ხაზი შექმნილია გააზრებული განზრახვით და მაქსიმალურად მორგებულია კანის ბარიერის საჭიროებებს. Rhode-ს პროდუქცია ღრმად ატენიანებს სახის კანს და გვანიჭებს გლუვ ელფერს, ამასთანავე მათ კანის ბარიერის დამცველობითი ფუნქციაც ენიჭებათ.

Rhode-ს შეგნებულად მოპოვებული ინგრედიენტები, PCR-ზე დაფუძნებულ შეფუთვები და ნულოვანი ნარჩენების პოლიტიკა გამოარჩევს. ჰეილი ბიბერის სილამაზის ხაზის ბოთლები, მილები და თავსახურები დამზადებულია შემდგომი რეციკლირებული (PCR) მასალებით და მათი გადამუშავება შესაძლებელია, პროდუქტები იგზავნება *zero-waste* Boox ყუთებში, რომელიც ამცირებს გარემოზე ზემოქმედებას 70%-ით ერთჯერადი გადაზიდვის ყუთებთან შედარებით.

Rhode-ს სილამაზის ხაზი მოიცავს 3 პროდუქტს: პეპტიდების ფლუიდს, კანის აღმდგენ საცხსა და პეპტიდების ტუჩის მოვლის საშუალებას. ამ ეტაპზე სამივე პროდუქტის მარაგი სრულად ამოიწურა და პროდუქტების გასატესტად, ოფიციალურ საიტზე წინასწარ სიაში ჩაწერა მოგიწევთ.