Vetements-ის 2025 წლის გაზაფხულის ჩვენება პარიზის მოდის კვირეულზე, 27 სექტემბერს გაიმართა, სადაც პოდიუმზე ნამდვილი ვარსკვლავთცვენა ვიხილეთ. ბრენდის ჩვენება, რომელიც ძმებმა გვასალიებმა 2014 წელს დააფუძნეს, ტრევის სკოტმა გახსნა. ამერიკელი რეპერი ბაიკერის შავი ტყავის სამოსში იყო სრულად შემოსილი.
პოდიუმზე ვიხილეთ ჯიჯი ჰადიდიც, რომელსაც DHL ლენტისგან შექმნილი მინი კაბა ეცვა.
Vetements-ის ჩვენება, რომელსაც დღეს გურამ გვასალია ხელმძღვანელობს, მონპარნასის კოშკში გაიმართა. პოდიუმზე ვიხილეთ ისეთი მოდელები, როგორიცაა ჰეიდი კლუმი, სტელა მაქსველი და ორსული კარმენ კასიც კი.
Vetements-ის 2025 წლის ჩვენებაზე ქართველი მოდელი, მარიშა ურუშაძეც გამოვიდა.
გურამ გვასალია Vetements-ის ძირითად ხაზს არ ღალატობს. ახალგაზრდა ბრენდი მეამბოხე და ექსპრესიულ ხასიათს ატარებს. Vetements-ის 2025 წლის კოლექციაშიც თითქოს იყო ახალიც და ამავდროულად უკვე ნანახიც. დიდი ზომის ჰუდები, წარწერებიანი მაისურები და მასიურად შავი სამოსი - ეს ყველაფერი ძალიან ჰგავდა ბრენდის წინა კოლექციებს და ამავდროულად დემნას ხელწერას ბალენსიაგაში.
ნიუ-იორკის მოდის კვირეულმა კიდევ ერთხელ დაამტკიცა, რომ ეს ქალაქი გახლავთ გლობალური მოდის ეპიცენტრი. ამ სეზონზე, მოდის კვირეულზე დიზაინერებმა წარმოგვიდგინეს არამხოლოდ ნატიფი, დახვეწილი კოლექციები, არამედ საკმაოდ თამამი სამოსი ციფრული შოუებით.
ბოტეგა ვენეტას სახლმა, მილანის მოდის კვირეულის მიწურულს, სიურპრიზებით სავსე კოლექცია წარადგინა. ჩვენთან ერთად შეავლეთ თვალი, თუ როგორ გამოიყურებოდნენ ბოტეგა ვენეტას გაზაფხული/ზაფხულის შოუს წინა რიგებში მოკალათებული ცნობილი ადამიანები.
გსმენიათ ლაბორატორიაში შექმნილი ბრილიანტების შესახებ? რა არის ლაბორატორიული ბრილიანტი და რატომ არის ის საუკეთესო არჩევანი - ამის შესახებ დღევანდელ სტატიაში შეიტყობთ.
