| თეკლა მაისურაძე |
თუ ქალაქის ქუჩებში დამალული მყუდრო კაფეები გხიბლავთ, სადაც ცხელ ყავას მშვიდად მიირთმევთ, ან ესთეტიკური რესტორნები, სადაც ძვირფას ადამიანებთან ერთად ღვინოს დააგემოვნებთ, TheDiary-მ თბილისის გამორჩეული რესტორნების სია შეადგინა. აქ არა მხოლოდ გემრიელ კერძებს დააგემოვნებთ, არამედ ისიამოვნებთ ინტერიერებით, რომლებიც ადგილობრივებსა და მოგზაურებს განსაკუთრებულად უყვართ – სივრცეები, სადაც თანამედროვე ესთეტიკა ძველი თბილისის ხიბლს ერწყმის.
47 RESTAURANT
„47 რესტორანი“ მინიმალიზმს და დახვეწილობას ერთ სივრცეში გვთავაზობს. ეს არის ადგილი მათთვის ვისაც უყვარს ნაზი დეტალები და მაღალი ხარისხი. ელეგანტურ ინტერიერთან ერთად აქ დაგხვდებათ დახვეწილი ევროპული კერძები. იდეალური გარემოა როგორც მეგობრებთან ერთად საღამოს გასატარებლად, ასევე საქმიანი შეხვედრებისთვის.
UNFOUND DOOR
ეს კაფე-რესტორანი ერთ-ერთი ყველაზე ატმოსფერული ადგილია ქალაქში. ინტერიერი კლასიკურ ხელოვნებას წააგავს, მენიუში კი შერჩეულია განსაკუთრებული და ნოსტალგიური კერძები. ეს არის ადგილი სადაც შეგიძლიათ საათობით ისიამოვნოთ გარემოთი, მუსიკითა და შესანიშნავი კერძებით.
IASAMANI
იასამანი იდეალური არჩევანია როგორც მშვიდი საუზმისთვის, ასევე რომანტიკული ვახშმისთვის. მყუდრო და ვინტაჟური სტილი, სანთლის შუქი და ყვავილებით სავსე გარემო აქაურობას ზღაპრულ განწყობას ანიჭებს, მენიუში კი ტრადიციულ ქართულ კერძებს შეხვდებით, რომლებიც ახლებურად არის წარმოდგენილი.
DALOOD CAFE
მოდის ბრენდი Dalood-ის მიერ შექმნილი ეს კაფე განსაკუთრებით საინტერესოა მათთვის, ვისაც უყვარს სტილი და ელეგანტურობა. ეს ადგილი შესანიშნავად აერთიანებს მოდას და კულინარიულ ხელოვნებას. თუ გსურთ ლანჩი მოდურ გარემოში მიირთვათ, სადაც დეტალები დახვეწილობას და სილამაზეს უსვამს ხაზს, ეს ადგილი თქვენთვისაა.
CASA FIORI
ეს ულამაზესი იტალიური რესტორანია, რომლის ინტერიერიც ყვავილებითა და ბუნებრივი ელემენტებით არის გაჯერებული, რაც სიმყუდროვისა და სულიერი სიმშვიდის შეგრძნებას შეგიქმნით. მენიუც ასეთივე დახვეწილი და მსუბუქია. CASA FIORI არა უბრალოდ რესტორანი, არამედ თბილისის შუაგულში აღმოცენებული ელეგანტური თავშესაფარია.
LINVILLE
თუ გიყვართ კაფეები, სადაც ყოველი ნივთი განსაკუთრებულ ისტორიას ინახავს, მაშინ ლინვილი აუცილებლად მოგხიბლავთ. ანტიკვარული ნივთები, წიგნები და ხის დეტალები უნიკალურ ატმოსფეროს ქმნიან. მენიუში ტრადიციული კერძები განსხვავებული ტემპერამენტითაა წარმოდგენილი. ეს შესანიშნავი ადგილია მათთვის, ვისაც სიღრმისეული ესთეტიკა უყვარს.
KETO & KOTE
ეს რესტორანი თბილისური ხასიათისა და დახვეწილი გემოვნების ნაზავია. იგი კლასიკურიცაა და თანამედროვეც. ინტერიერი ძველი თბილისის არქიტექტურას წააგავს, მენიუ კი ტრადიციულ კერძებს გვთავაზობს. თუ ქართული სამზარეულოს ახალი კუთხით დანახვა გსურთ, ეს ადგილი უნდა სცადოთ.
NINIA’S GARDEN
ნინიას ბაღი ბუნებასთან ჰარმონიაში ცხოვრობს. პატარა ეზო ხეებითა და ყვავილებით სავსე, ზაფხულში განსაკუთრებით სასიამოვნო ადგილად იქცევა. ეს იდეალური არჩევანია, თუ ქალაქის ხმაურისგან დასვენება და ბუნებასთან სიახლოვე გსურთ.
IAKOBIS EZO
იაკობის ეზო ერთდროულად სიმყუდროვის, ბუნებისა და შესანიშნავი გემოების სინთეზია. ეს არის ადგილი, სადაც შეგიძლიათ პატარა ევროპულ ეზოში აღმოჩნდეთ და თბილისური დღის მშვენიერებით ბოლომდე დატკბეთ.
მატჩა: ბუნებრივი ფორმულა სილამაზისა და ჯანმრთელობისთვის – მდიდარია ანტიოქსიდანტებითა და ვიტამინებით, ხელს უწყობს კანის გაწმენდას, თმის გაძლიერებას და დაბერების პროცესის შენელებას. მატჩა აუმჯობესებს მეტაბოლიზმს, ამცირებს შეშუპებას, იცავს კანს UV სხივებისგან და ხელს უწყობს კოლაგენის გამომუშავებას.
The Diary ექიმ-კოსმეტოლოგ ნატა მაღალაშვილთან ინტერვიუს გთავაზობთ, რომელშიც ვისაუბრებთ, თუ რა გავლენა აქვს კანზე სეზონურ ცვლილებებს და რომელი პროდუქტები თუ კოსმეტოლოგიური პროცედურებია გაზაფხულისთვის რეკომენდებული.
საფერავისფერი 2025 წლის უდავო ტრენდია – Gucci, Hermès, Bottega Veneta და სხვა ბრენდები მას თავიანთ კოლექციებში ფართოდ იყენებენ, ხოლო ვარსკვლავები, როგორებიც არიან ზენდაია, ტომ ჰოლანდი და ჰეილი ბიბერი, თავიანთი ლუქების მთავარ ფერად აქცევენ.
