დ. აღმაშენებლის ხეივანის 216 ნომერში, „ჯი-თი მოტორსმა“ BMW-ს და MINI-ს ახალი, დროებითი შოურუმი გახსნა. ღონისძიების მთავარი კონცეფცია მოიცავდა იდეოლოგიების შენარჩუნებას და ინოვაციებისკენ სწრაფვას, კლასიკურისა და სპორტულის დაბალანსებულ შერწყმას და რა თქმა უნდა ავტომობილის მართვის უკომპრომისო სიამოვნებას.
ღონისძიება ორ ეტაპად გაიმართა: დროებითი შოურუმის ოფიციალური გახსნა და საღამოს დასკვნითი საზეიმო ღონისძიება. შოუს კულმინაციის დროს BMW-ს სრულიად ახალი მე-7 სერიის მოდელი, სპეციალურად ღონისძიებისთვის შექმნილი ინსტალაციის ფონზე BMW-ს რეგიონალურმა მენეჯერმა ვინსენტ რესმანმა წარადგინა.
პრეზენტაციაზე სხვა მოდელებს შორის, ასევე წარმოდგენილი იყო ლიმიტირებული M5 CS. აღნიშნული მოდელი მსოფლიო მასშტაბით მხოლოდ 1000 ერთეული არსებობს, აქედან 9 ერთეული კი უკვე საქართველოშია. აღსანიშნავია, რომ პირველი მოდელი, რომელიც კომპანიამ ბაზარზე შემოსვლისთანავე გაყიდა იყო სწორედ M5 CS, რაც მსოფლიო მასშტაბით იშვიათი და უნიკალური ფაქტია.
შოურუმის გახსნას ესწრებოდნენ BMW GROUP-ის აფრიკისა და აღმოსავლეთ ევროპის რეგიონის წარმომადგენლები, მათ შორის რეგიონის პრეზიდენტი - დოქტორ ტომას რინი და გაყიდვების ხელმძღვანელი - კონრად ბაუმგარტნერი. ასევე გერმანიის ელჩი საქართველოში ენრსტ პიტერ ფიშერი, ეკონომიკის სამინისტროს პირველი მოადგილე რომეო მიქაუტაძე და თბილისის მერი კახა კალაძე.
სპეციალურად ამ საღამოსთვის, მუსიკალური კომპოზიციები ლიზა რამიშვილმა და თემურიკო დიასამიძემ შეასრულეს.
აღსანიშნავია, რომ შოურუმი, რომელიც დ. აღმაშენებლის ხეივანის 216 ნომერში გაიხსნა არის დროებითი, ხოლო, ახალი, ე.წ. L shape შოურუმი გაიხსნება 2024 წელს და ის იქნება ერთ-ერთი პირველი მსოფლიოში, რომელიც BMW-ს განახლებული კონცეფციის სტანდარტებით დაპროექტდება.
„ჯი-თი მოტორსი“ ქართულ ბაზარზე უკვე 15 წელია წარმატებით ოპერირებს და BMW-ს და MINI-ს გარდა, აქტიურად თანამშრომლობს ისეთ მსოფლიო ბრენდებთან, როგორიცაა: Jaguar, Land Rover, Ford და Suzuki.
როგორც კი ზაფხულის კაშკაშა მზე გამოასხივებს, მზისგან დამცავი სათვალე must-have აქსესუარების სიაში პირველ ადგილზე ინაცვლებს. ქართული ბრენდის Chicorée უკვე ერთი წელია მომხმარებელს განსხვავებული და ეფექტური ვიზუალის სათვალეებით ანებივრებს. გამორჩეული ფერთა გამის, კომფორტისა და სტილის შერწყმა ბრენდის პროდუქციაში მარტივად შეიმჩნევა.
ზაფხული თავისუფლების, უძილო ღამეების, აპეროლ შპრიცებისა და ხმამაღალი მუსიკის დროა. როდის, თუ არა წლის ყველაზე თავქარიან სეზონში, საკუთარ თავს გართობისა თუ დასვენების მაქსიმუმი თავისუფლება უნდა მივცეთ. რაც ასევე ეხება ჩაცმულობას, რა თუ არა სამოსი განსაზღვრავს ჩვენი ცხოვრების სტილს?! TheDiary-ს რედაქცია კი იმ მთავარ ტრენდებსა და ქართველ ბრენდებს გაგაცნობთ, სადაც მარტივად იპოვით საკუთარ თავს.
რა იქნებოდა გრავიტაციის კანონის გაუქმება რომ შეიძლებოდეს? ზაჰა ჰადიდმა ამ დილემის ამოხსნას თავისი შემოქმედება და ცხოვრება მიუძღვნა. მისი გუნდი კი უახლოეს მომავალში ნაგებობას თბილისში ააშენებს.
