Spring Rolls/გაზაფხულის ხვეულები - მარტივი და საოცრად გემრიელი

სამხრეთ-აღმოსავლეთ აზიის, განსაკუთრებით კი ტაილანდური და ვიეტნამური სამზარეულოს მოყვარულთათვის, გაზაფხულის ხვეულები ერთ-ერთი ყველაზე გამორჩეული კერძია, რომლის გასინჯვაც არ გვბეზრდება. ბოსტნეულით სავსე, საოცრად ხრაშუნა, ცოცხალი და ფერადი ხვეულების მომზადება სახლის პირობებშიც შესაძლებელია და ის თქვენგან განსაკუთრებულ კულინარიულ უნარებს სულაც არ მოითხოვს. მზადების პროცესში შესაძლოა რამდენიმე აქამდე უცნობ ინგრედიენტს მოკრათ თვალი, თუმცა მათ სურსათის მაღაზიის აზიური კერძების განყოფილებაში მარტივად აღმოაჩენთ.

ჩვეულებრივ გაზაფხულის ხვეულები ბრინჯის ლაფშისგან და ბევრი ახალი და ხრაშუნა ბოსტნეულისგან მზადდება, ხშირ შემთხვევაში ხვეულებში კრევეტების ან ტოფუს არჩევანიც გვხვდება, დღეს სწორედ კრევეტების შიგთავსით შემოგთავაზებთ უგემრიელესი ხვეულების რეცეპტს.

ინგრედიენტები: 

ბრინჯის ლაფშა

კრევეტები

სტაფილო

ხვეულების შესაფუთი

სალათის ფოთოლი

კიტრი

ახალი მწვანილი: პიტნა, რეჰანი ან მწვანე ხახვი

თუ ეს თქვენთვის გაზაფხულის ხვეულების მომზადების პირველი მცდელობაა, მაშინ აუცილებლად გირჩევთ არ ინერვიულოთ, მერე რა თუ თქვენი პირველი ქმნილება არ იქნება ისეთივე დიდებული, როგორც რესტორნებშია, მომზადების ტექნიკას სამომავლოდ აუცილებლად დახვეწავთ. გთავაზობთ რამდენიმე სასარგებლო რჩევას, რომელიც აუცილებლად გამოგადგებათ:

  • ხვეულების შესაფუთი ქაღალდებისთვის გამოიყენეთ თბილი წყალი და არა ცხელი, გახსოვდეთ მათ დარბილებად ბევრი დრო არ სჭირდება.
  • თბილ წყალში ქაღალდები სულ 10 წამით დააყოვნეთ, ზედმეტი დარბილება მათ დაშლას გამოიწვევს.
  • წინასწარ მოამზადეთ შიგთავსის ინგრედიენტები, დაჭერით სასურველ ზომებზე და კონცენტრირდით გადახვევის პროცესზე.
  • ეცადეთ სამუშაო ზედაპირი ოდნავ ნესტიანი იყოს, რათა თავიდან აიცილოთ ბრინჯის ქაღალდების მიკრობა.
  • გადაახვიეთ თქვენი გაზაფხულის ხვეულები ბურიტოს მსგავსად.
ზევით