ბოლო რამდენიმე წელია, რაც საქართველოში ჰელოუინის დღესასწაული აქტიურად აღინიშნება თემატური ღონისძიებებით. კაფე-ბარები, ღამის კლუბები, საკვები ობიექტები თუ სხვა გასართობი დაწესებულებები, რამდენიმე დღით კარს კოსტიუმირებული დღესასწაულისთვის გააღებენ და მათ საინტერესო და მხიარულ აქტივობებსაც შესთავაზებს. თუ ჯერ კიდევ არ გადაგიწყვეტიათ, სად გაატარებთ ჰელოუინის უიკენდს და რომელ ღონისძიებაზე გააკეთებთ არჩევანს, მაშინ დღეს, ხვალ და ზეგ, თბილისში მიმდინარე ჰელოუინის ივენთებს წარმოგიდგენთ.
LoveBar-ში ჰელოუინის აღნიშვნა გასულ ღამეს დაიწყო და 28 ოქტომბრის ჩათვლით გაგრძელდება. დღეს, 27 ოქტომბერს, იაპონელი არტისტი Hitoshi Love Bar-ში, ქართველ მუსიკოსთან Kubick-თან ერთად, პირველად დაუკრავს. შაბათს კი ჰელოუინის კოსტიუმირებული ივენთი მოეწყობა, სადაც ბენდი Killages, Haverdi და Tobako Tween დაუკრავენ.
დღეს, 27 ოქტომბერს, Mzesumzira Music Night დედაენისა და მზესუმზირის კომუნის მეგობრობის, ერთობის, მხარდაჭერის და ერთობ ბრჭყვიალა ენერგიის ზეიმს გვპირდება, რა თქმა უნდა, ჰელოუინის განწყობითა და ატმოსფეროთი.
მუსიკალური პროგრამებით, სპეციალურად ამ დღისთვის შექმნილი კოქტეილებითა და განსაკუთრებული პრიზებით, 27, 28, 29 ოქტომბერს ტრატორია იოსელიანი ჰელოუინის ჯადოსნურ ადგილად გადაიქცევა.
საღამოს 8 საათიდან, ღამურაში Halloween Party იწყება. უწყვეტი მუსიკა მზის ამოსვლამდე, თემატური ფოტო-კუთხე, პოზიტიური ვაიბები, გასართობი განწყობა და უფასო ველქამ შოთი კოსტიუმით ან გრიმით მისვლის შემთხვევაში დაგხვდებათ.
ჰელოუინის განსაკუთრებული WEEKEND 27 და 28 ოქტომბერს, ZEN Club-ში. საერთაშორისოდ ცნობილი ბრიტანელი არტისტი ALAN DIXON და რეზიდენტი არტისტები ერთად, მთელი ღამის განმავლობაში დაუკრავენ თქვენთვის საყვარელ მუსიკას
27 ოქტომბერს, ჰელოუინის განსაკუთრებულ ღამეს, KHIDI კიევში მოღვაწე დიჯეის, პროდიუსერსა და პრომოუტერს Omon Breaker უმასპინძლებს. Omon Breaker-მა დიჯეინგი 2019 წელს, კიევში გადასვლის შემდეგ დაიწყო, სადაც დღემდე მართავს ორ წვეულებას ცნობილ Otel Club-ში. ამასთანავე იგი იყო კიევის პირველი LGBTQI+ მეგობრული კლუბის Crest რეზიდენტი მის დახურვამდე.
ჰელოუინის მაგიური ღამე ალკო ჰოლში შაბათს, 28 ოქტომბერს დადგება. კოქტეილ ბარში live მუსიკა და ველქამ დრინქები დაგხვდებათ და არ იდარდოთ თუ კი გრიმის გასაკეთებლად დროს ვერ გამონახავთ, make up არტისტი ადგილზე იზრუნებს იმაზე, რომ მაქსიმალურად საშიშად გამოიყურებოდეთ.
მოქსიში ჰელოუინი აგრეთვე 28 ოქტომბერს აღინიშნება, თუმცა უნდა გაითვალისწინოთ, რომ მოქსის სტუმრებისთვის ასაკობრივი შეზღუდვა +18 მოქმედებს. რაც შეეხება დრესკოდის: ის საკმაოდ მარტივად ჟღერს რაც უფრო საშიში, მით უკეთესი.
მეგობრებთან თუ მათ გარეშე, დროის სასიამოვნოდ გასაყვანად, ორბელიანი გარდენში ჰელოუინის საშიში დეკორაციებით სავსე გარემო და აპეროლის სასმელზე 1+1 აქცია დაგხვდებათ.
ჰელოუინის აღნიშვნა კვირა დღესაც გაგრძელდება. 29 ოქტომბერს, 19:00 საათზე თავსატეხის კარი წვეულებისთვის გაიღება. სამაგიდო თამაშების ბარში თქვენ დაგხვდებათ განსაკუთრებული მუსიკა, ქვიზები ფილმებიდან, უამრავი სამაგიდო თამაში და კოქტეილებზე 20% ფასდაკლება. არ დაგავიწყდეთ დრესკოდის გათვალისწინებაც და კოსტიუმის მორგება.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
