#კულინარია

რეცეპტი: მსხლის მარტივი პეროგი

გაზიარება:

ვის უყვარს პარასკევი საღამო, ისე როგორც ჩვენ? როდესაც ვიცით, რომ წინ უქმე დღეები გველოდება, შეგვიძლია ამ საღამოს მაქსიმალური სიამოვნება მივიღოთ, შემოდგომის განწყობით გაჯერებულ ფილმებს ჩავუსხდეთ და უგემრიელესი დესერტიც მივირთვათ.

მარტივად მოსამზადებელი, სეზონური და არაამქვეყნიურად გემრიელი მსხლის პეროგს If.ge-თან ერთად წარმოგიდგენთ. მოიმარაგეთ 10-მდე ინგრედიენტი და ყურადღებით მიჰყევით ინსტრუქციებს. სასიამოვნო საღამოს გატარებას გისურვებთ.

ინგრედიენტები:

  • ფქვილი 200 გრ.
  • შაქარი 100 გრ.
  • საფუარი 1 ჩ.კ.
  • დარიჩინი 1 ს.კ.
  • რძე 150 გრ.
  • კვერცხი 1 ცალი
  • მსხალი 3-4 ცალი
  • კარაქი 1 ს.კ.
  • მარილი მწიკვი

მომზადების წესი:

გამოსაცხობ ჭურჭელში მოათავსეთ კარაქი და გაადნეთ. ჯამში ჩაასხით რძე და დაუმატეთ კვერცხი და კარგად ათქვიფეთ. დიდ ჯამში მოათავსეთ შაქარი, ფქვილი, მარილი, საფუარი და დარიჩინი, დაუმატეთ რძის მასა და კარგად აურიეთ.

გამოსაცხობ ჭურჭელში ჩაასხით მიღებული მასა და ჩააწყვეთ მსხალი. გამოაცხვეთ 180° გრადუსზე 30-40 წთ.

ზევით