ნიუ-იორკში Barclays Center-ში, გასულ ღამეს, მუსიკალური ინდუსტრიის ერთ-ერთი ყველაზე პრესტიჟული დაჯილდოების ცერემონია MTV VMA გაიმართა. რიგით 38-ე დაჯილდოებამ, როგორც მოსალოდნელი იყო ხმაურიანად ჩაიარა. მოვლენათა ეპიცენტრში დასაწყისშივე წითელი ხალიჩა მოექცა, სადაც თავი მსოფლიოს ყველაზე ცნობილმა მომღერლებმა მოიყარეს მათი გამოჩენა კი მხოლოდ ერთ რამეს მოასწავებდა - სულ მალე მთელი მსოფლიო მათ ჩაცმულობაზე ილაპარაკებდა.
სასაუბრო ცნობილებმა ნამდვილად მოგვცეს, ვენეციის კინოფესტივალზე გამოჩენის შემდეგ ჯენიფერ ლოპესი MTV VMA 2021-ზე, ქართველი დიზაინერის დავით კომახიძის სამოსში გამოწყობილი ვიხილეთ. Mugler-ის გამჭვირვალე კაბით შემოსილი მეგან ფოქსი ხალიჩაზე მეგობარ მამაკაცთან ერთად გამოჩნდა. ოლივია როდრიგომ არჩევანი Versace-ს კაბაზე შეაჩერა.
ჯასტინ ბიბერის ჩაცმულობაზე კიდევ ერთმა ქართველმა დიზაინერმა დემნა გვასალიამ იზრუნა, მისმა მეუღლემ ჰაილი ბიბერმა კი Alaïa-ს თეთრი კაბა შეარჩია.
დაჯილდოების საღამოს მთავარი პრიზი მომღერალ Lil Nas X-ს გადაეცა, სიმღერისთვის Montero (Call Me By Your Name), წლის არტისტის ტიტული ჯასტინ ბიბერმა მოირგო, წლის საუკეთესო სიმღერის ჯილდო ოლივია როდრიგოს გადაეცა, სიმღერისთვის Drivers License, ოლივიამ აგრეთვე წლის ახალი არტისტის და წლის საუკეთესო პერფორმანსისთვისაც მიიღო ჯილდო და შეიძლება ითქვას, რომ საღამოს ტრიუმფატორადაც მოგვევლინა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.