თბილისის მერსედეს-ბენც მოდის კვირეული, მე-15 სეზონით, განახლებული ძალებით, უზღვავი ენერგიითა და ორიგინალური ხედვით დაგვიბრუნდა. ორ სეზონიანი პაუზის შემდეგ, 4 მაისს, MBFW თბილისმა 5-დღიანი მოდური თავგადასავლის სტარტი აიღო. ღონისძიებამ, რომელმაც პირველად მონიშნა საქართველო მოდის მსოფლიო რუკაზე და ქვეყნის პოპულარიზებას მსოფლიო ასპარეზზე დღემდე წარმატებით აგრძელებს, შემოდგომა/ზამთრის 23/24 წლის კოლექციის ჩვენებებისთვის კოკა-კოლის ყოფილ ქარხანაში - Factory Tbilisi-ში დაიდო ბინა.
მსოფლიო პანდემიის შემდეგ, ეს პირველი შემთხვევაა, როდესაც თბილისის მერსედეს-ბენც მოდის კვირეული ოფლაინ რეჟიმში იმართება, საერთაშორისო პრესის, მოდის კრიტიკოსებისა თუ ინფლუენსერების და ბაიერების გარემოცვაში. 2021 წელს, Factory Tbilisi-ში მოდის კვირეული ციფრულ ფორმატში გაიმართა და მაშინ MBFW თბილისის თვალებად და ყურებად thediary.ge იქცა, ამ ტრადიციას წელსაც სიამოვნებით განვაგრძობთ და მერსედეს-ბენცის მედია პარტნიორის ამპლუაში, მიმდინარე კვირეულის ჰაილაითებს გაგიზიარებთ.
ის, რაშიც MBFW თბილისის პირველმა დღემ ნათლად დაგვარწმუნა, გახლავთ ფაქტი - ორ სეზონიანი პაუზა მოდის კვირეულზე დადებითად აისახა, ახლა, ამ წუთებში, თბილისის მერსედეს-ბენც მოდის კვირეული ყველაზე დახვეწილი, ორგანიზებული და მრავალფეროვანია, რაც კი ოდესმე გვინახავს. Factory Tbilisi-ს მასშტაბები, მისი ეკლექტურობა და სახასიათო ინტერიერი თუ ექსტერიერი, კოკა-კოლის ყოფილ ქარხანას ერთ-ერთ რჩეულ ლოკაციად აქცევს მოდის კვირეულისთვის. ერთ სივრცეში თავმოყრილ რამდენიმე განცალკევებულ შენობაში მოვლენები ერთმანეთის პარალელურად მიმდინარეობს, თუმცა ეს ერთიანობის შეგრძნებას სულაც არ არღვევს, პირიქით ამძაფრებს კიდეც.
მოდის კვირეულის მე-15 სეზონი, გუშინ, პრესტიჟული საერთაშორისო დიზაინის კონკურსის - BeNext-ის მონაწილე დიზაინერების საკონკურსო კოლექციების შოურუმის პრეზენტაციით გაიხსნა, რომელშიც მონაწილეობას, ერთ-ერთი ყველაზე შემოქმედებითი, ნიჭიერი და მოაზროვნე ახალგაზრდები იღებენ, რომელთა შესახებ უფრო ვრცლად მომდევნო დღეების განმავლობაში აუცილებლად გიამბობთ.
2023/24 წლების შემოდგომა/ზამთრის კოლექციის ჩვენებების გახსნის პატივი უტა ბექაიასა და Melancholia-ს კოლაბორაციით შექმნილ კოსტიუმირებულ პროექტს ხვდა წილად, რომელმაც სრულად სიურრეალისტური სანახაობა წარმოგვიდგინა.
1 საათის შემდეგ კი პოდიუმი კონცეპტუალური ბრენდის Blikvanger-ის ახალმა თვალისმომჭრელმა და დასამახსოვრებელმა კოლექციამ დაიკავა - როგორც მის სახელწოდებას შეეფერება.
თბილისის მერსედეს-ბენც მოდის კვირეული დღეს კიდევ უფრო დახუნძლული განრიგით გრძელდება, თვალი მიადევნეთ TheDiary-ს Instagram გვერდს და ჩვენთან ერთად შეაბიჯეთ მოდის კვირეულის მოვლენათა ეპიცენტრში.
ჯორჯო არმანის მიერ საკუთარი სახელობის ბრენდის დაფუძნებიდან 40 წელი სრულდება, დიზაინერი და მისი ერთ-ერთი საუკეთესო შემოქმედება 4 ათწლეულს ახალი მემუარების Per Amore-ს გამოშვებით აღნიშნავენ, რომელიც ბრენდის ხანგრძლივი ისტორიიდან მოგონებებისა და უცნობი ამბების კრებულს წარმოადგენს.
თვის დასაწყისში სამეფო ქორწილისთვის დამახასიათებელი დიდებული ცერემონიის მომსწრენი გავხდით, რომელიც სამხრეთ საფრანგეთში გაიმართა. სოფია რიჩისა და ელიოტ გრინგის ქორწილმა წარმოუდგენელი გამოხმარუება დაიმსახურა, მას უკვე უწოდეს წლის ქორწილი და სიმართლე ითქვას სოფიას Chanel-ის საპატარძლო კაბ(ებ)ისა და მისი მინიმალისტური მაკიაჟის გარშემო განხილვა დღემდე არ შეწყვეტილა.
3 ივნისს, დედაენის ბაღი კიდევ ერთხელ გაუღებს კარს ექსტრემალური სპორტის მოყვარულებს! Extreme Fest Tbilisi ადრენალინის მოყვარულებისთვის ახალი ღონისძიებით ბრუნდება.
