ჯანჯაფილი მძაფრი და ცხარე, განსაკუთრებული არომატის მქონე ფესვია, რომელიც ხელმისაწვდომია მთელი წლის განმავლობაში. მას მრავალ თვისებას მიაწერენ, რომლის უმრავლესობა მეცნიერულად დამტკიცებული არ არის.
ჯანჯაფილი შეიცავს აქტიურ ნივთიერებას, რომელიც იწვევს ანთებითი პროცესის და გულისრევის შემცირებას. ეს ნივთიერება მუშაობს როგორც კუჭ-ნაწლავზე, ისე ნერვულ სისტემაზეც და ასე აკონტროლებს გულისრევას.
ჯანჯაფილი ეფექტურია მენსტრუალური ტკივილის დროს. კვლევის თანახმად, 500-2000 მგ. ჯანჯაფილის მიღება მენსტუალური პერიოდის დაწყებამდე, ამცირებს ტკივილის შეგრძნებას. ბევრი კვლევის მიხედვით, ჯანჯაფლი ისეთივე ეფექტურია როგორც სხვადასხვა მედიკამენტი, მაგალითად იბუპროფენი.
ჯანჯაფილი თუ დრამინა? ერთ-ერთი თანამედროვე კვლევის შედეგად აღმოჩნდა, რომ ჯანჯაფილი უფრო ეფექტურია მოძრაობითი დაავადების დროს, ვიდრე დრამინა. iის უფრო ძლიერად ამცირებს ისეთ სიმპტომებს როგორიცაა თავბრუსხევევა, გულისრევა, ღებინება და ცივი ოფლიანობა.
ჯანჯაფილი ეფექტურია ორსულთა ტოქსიკოზის დროს. ასევე ეფექტური და უსაფრთხოა (დღეში ერთი გრამი) ორსულთა ტოქსიკოზის დროს. მნიშვნელოვნად ამცირებს გულისრევის შეგრძნებას და პირღებინების სიხშირეს. განსხვავებით ღებინების საწინააღმდეგო წამლებისგან, კოჭას არ აქვს გვერდითი მოვლენა ორსულებისათვის და ეფექტისათვის საჭიროა ძალიან მცირე რაოდენობა.
ჯანჯაფილს აქვს ძლიერი ანტი-ანთებითი და ანტი-ოქსიდანტური თვისებები. ჯინჯეროლი - ეს ნივთიერებაა კოჭაში, რომელიც პასუხისმგებელია ჯანჯაფილის ანტი-ანთებით თვისებებზე და ხსნის მიზეზს თუ რატომ უმცირდებად ოსტეოართრიტის და რევმატოიდული ართრიტის მქონე პაციენტებს ტკივილის შეგრძნება სახსრებში ჯანჯაფილის მიღების შემდეგ. კლინიკური კვლევების შედეგად დამტკიცდა , რომ ართრიტიანი პაციენტების 75%-ს და კუნთური დისკომფორტის მქონე პაციენტების 100%-ს შეუცირდა ტკივილის შეგრძნება და შეშუპება. ეს კი გამოწვეულია იმით, რომ ჯინჯეროლი ბოჭავს აზოტის ოქსიდის წარმოქმნას, რომელიც ორგანიზმში წარმოქმნის დამაზიანებელ თავისუფალ რადიკალს-პეროქსინიტრიტს. ასევე, კვლევებმა აჩვენა, რომ კოჭა თრგუნავს პრო-ანთებითი შენაერთების (ციტოკინები, ქემოკინები) წამოქმნას.
ჯანჯაფილი სიმსივნის წინააღმდეგ. მინესოტას უნივერსიტეტში თაგვებზე ჩატარებული კვლევებით აღმოჩნდა, რომ ჯინჯეროლი ებრძვის მსხვილი ნაწლავის სიმსივნური უჯრედების გამრავლებას. ასევე, მიჩიგანის უნივერსიტეტში ჩატარებული კვლევების შედეგად აღმოჩნდა, რომ ჯანჯაფილი ეფეტურად ებრძვის საკვერცხის კიბოს უჯრედების გამრავლებას. ფიქრობენ, რომ სხვადასხვა მიზეზებით ორგანიზმში განვითარებული ანთებითი პროცესები დიდად განსაზღვრავს საკვერცხის სიმსივნის განვითარების ალბათობას, ჯანჯაფილი კი, როგორც აღვნიშნეთ ძლიერი ანტი-ანთებითი თვისებებით ხასიათდება. ასევე, აღსანიშნავია რომ ქემოთერაპიული აგენტების მიმართ სიმსივნური უჯრედები ხდება რეზისტენტული(გამძლე), ეს ეფექტი კი კოჭას არ ახასიათებს.
ჯანჯაფილი აძლიერებს იმუნიტეტს. კოჭა არა მარტო გაგათბობთ ზამთრის ცივ დღეებში, არამედ წარმოქმნის ჯანმრთელ ოფლიანობას, რაც ხშირ შემთხვევაში აუცილებელია გაციებისა და ვირუსის დროს. სინამდვილეში, კარგ ოფლიანობას იმაზე მეტი დადებითი ეფექტი აქვს ვიდრე უბრალოდ ორგანიზმის დეტოქსია. გერმანელმა მკვლევარებმა აღმოაჩინეს, რომ ოფლი შეიცავს ძლიერ ანტი-მიკრობულ აგენტს , ებრძვის ისეთ მიკრობებს როგორიცაა E.coli და Staphylococcus aureus (კანის ინფექციების ძირითადი გამომწვევი), რაც ეხმარება ორგანიზმს ინფექციების წინააღმდეგ ბრძოლაში.
ჯანჯაფილი ძალიან კონცენტრირებულია აქტიური ნივთიერებებით, ამიტომ მისი დიდი რადნობით მიღება არ არის აუცილებელი.
ორი ან სამი ჯანჯაფილის ნაჭერი ცხელ წყალში აბსოლუტურად საკმარისია მისი დადებითი თვისებების მისაღებად. ართრიტიან პაციენტებში კი სადილში ჩამატებული 1 სმ ჯანჯაფილის ნაჭერი საკმარისი აღმოჩნდა სიმპტომების აღმოფხვრისათვის (გაზრდილი დოზით ეფექტს უფრო მალე მიაღწიეს).
როგორ ავარჩიოთ კოჭა?
• აარჩიეთ ახალი ჯანჯაფილი, ახალს მაქსიმალური რაოდენობით ჯინჯეროლი და ანტი-ანთებითი შენაერთი აქტიური პროტეაზა აქვს. არჩევისას მიაქციეთ ყურდღება, რომ იყოს მყარი და გლუვი და არ ჰქონდეს ნადები. ჯანჯაფილი იყიდება ორი სახით ახალგაზრდა და მომწიფებული. აზიის გარდა ყველა ქვეყანაში გვხვდება მომწიფებული ჯანჯაფილი, რომლის კანიც არის მაგარი და საჭიროებს გაფრცქვნას.
• გაუფრცქვნელი კოჭა ინახება მაცივარში 3 კვირამდე, გაუფრცქვნელი კოჭა ინახება საყინულეში 6 თვემდე.
• დაფქული ჯანჯაფილი ინახება მშრალ ცივ ადგილას კარგად დახურულ შუშის კონტეინერში. თუ კი შეინახავთ მაცივარში გაძლებს ერთი წელი.
• თუ კი სადილში დასაწყისში დაამატებთ კოჭას, ის უფრო დახვეწილ არომატს მისცემს, ხოლო დასასრულს დამატებისას, სადილს მიანიჭებს უფრო მკვეთრ გემოს.
რეკომენდირებული მაქსიმალური დოზა:
• 4 გრამი (2 ჩ.კ დაფქული ან 4 ჩ.კ.გახეხილი )
• ორსულთათვის - 1 გრამი დაფქული (1/2 ჩ.კ. დაფქული ან 1 ჩ.კ.გახეხილი)
• არ არის რეკომენდირებული 3 წლამდე ბავშვებისათვის.
ასევე, ყურადღება მისაქცევია მათთვის ვინც სვამს სისხლის გამათხელებელს ან აქვს ეს მდგომარეობა. ასევე საფრთხილოა გულთან დაკავშირებული პრობლემების მქონე ადამიანებისთვის.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
