ახალი ელეგანტური იმიჯით, მინიმალისტური ჩაცმულობებითა და დახვეწილობით, ჯენიფერ ლოურენსი ჩვენს გაოცებას არ წყვეტს. მსახიობის ბოლოდროინდელი ლუქები უკვე არა ერთგზის იქცა შთაგონების წყაროდ მოდის მოყვარულთათვის, ჯენიფერის ჩაცმულობებს ხშირად მოიხსენიებენ სოფია რიჩის ძველი ფუფუნების სტილთან ერთად და შეუძლებელია ეს გარდასახვა ვერ დავინახოთ.
გუშინ დილას, ნიუ-იორკში გადაღებულ პაპარაცულ ფოტოში, რომელშიც ჯენიფერ ლოურენსი და მისი მეუღლე რეჟისორი კუკ მარუნი ქალაქის ქუჩებში სეირნობით ტკბებოდნენ, მსახიობმა მინიმალისტური ჩაცმულობის ძველი განმარტება ჩაგვინაცვლა: თეთრი ჟილეტით, განიერი შავი შარვლებითა და საზაფხულო დაბალძირიანი ფეხსაცმლით, ჯენიფერმა შეგვახსენა როგორ გამოიყურება სეზონის მიწურულის იდეალური ჩაცმულობა და ძნელია მას არ დავეთანხმოთ.
მიუხედავად იმისა, რომ ოსკარის მფლობელი მსახიობის ეს დახვეწილი ჩაცმულობა წარმატებით შეგვიძლია მოვირგოთ თითქმის მთელი წლის განმავლობაში, ის ზაფხულისთვის 100%-ით შესაფერისი შავი სანდლების წყალობით იქცა. კანის კინოფესტივალზე შავი შლაპუნებით გამოჩენის შემდეგ კი ყველამ კარგად ვიცით, რამდენად უყვარს ჯენიფერს კომფორტული ფეხსაცმლის მორგება.
გაიმეორეთ ჯენიფერის ჩაცმულობა:
TAILORED WAISTCOAT - 149 ლ.
LINEN WIDE-LEG TROUSERS - 149 ლ.
Velcro padded sandal - 229 ლ.
Shopper bag with buckle - 179 ლ.
როგორც კი ზაფხულის კაშკაშა მზე გამოასხივებს, მზისგან დამცავი სათვალე must-have აქსესუარების სიაში პირველ ადგილზე ინაცვლებს. ქართული ბრენდის Chicorée უკვე ერთი წელია მომხმარებელს განსხვავებული და ეფექტური ვიზუალის სათვალეებით ანებივრებს. გამორჩეული ფერთა გამის, კომფორტისა და სტილის შერწყმა ბრენდის პროდუქციაში მარტივად შეიმჩნევა.
ზაფხული თავისუფლების, უძილო ღამეების, აპეროლ შპრიცებისა და ხმამაღალი მუსიკის დროა. როდის, თუ არა წლის ყველაზე თავქარიან სეზონში, საკუთარ თავს გართობისა თუ დასვენების მაქსიმუმი თავისუფლება უნდა მივცეთ. რაც ასევე ეხება ჩაცმულობას, რა თუ არა სამოსი განსაზღვრავს ჩვენი ცხოვრების სტილს?! TheDiary-ს რედაქცია კი იმ მთავარ ტრენდებსა და ქართველ ბრენდებს გაგაცნობთ, სადაც მარტივად იპოვით საკუთარ თავს.
რა იქნებოდა გრავიტაციის კანონის გაუქმება რომ შეიძლებოდეს? ზაჰა ჰადიდმა ამ დილემის ამოხსნას თავისი შემოქმედება და ცხოვრება მიუძღვნა. მისი გუნდი კი უახლოეს მომავალში ნაგებობას თბილისში ააშენებს.
