გვინეტ პელტროუმ Airbnb-თან თანამშრომლობის შედეგად, მონტეციტოს საოჯახო სასტუმრო სახლი, პლატფორმაზე განათავსა და იღბლიან ადამიანს საშუალებას აძლევს სექტემბრის ერთი ღამე მის სახლში გაატაროს.
![](/media/article-media/2023/08/02/thediary-193.jpg)
„მარტოობა ადამიანური მდგომარეობაა, მაგრამ ბოლო რამდენიმე წლის განმავლობაში გაზრდილმა იზოლაციამ და საზოგადოებასთან კომუნიკაციის ნაკლებობამ ჩვენი ცხოვრება კიდევ უფრო ფრაგმენტული გახადა“, - დაწერა Goop-ის დამფუძნებელმა სოციალურ ქსელში გავრცელებულ ვიდეოზე, რომელშიც გვინეტი საკუთარ საოჯახო სასტუმროს გვათვალიერებინებს.
![](/media/article-media/2023/08/02/thediary-189.jpg)
როგორც ჩანს, გვინეტ პელტროუს მონტეციტოს სახლის დამქირავებელს შესაძლებლობა ექნება ერთი ღამე მსახიობთან ერთად გაატაროს გვინეტი პირადად მიიღებს სტუმრებს, მათ ვახშამზეც უმასპინძლებს და სახლში, საკუთარი ბრენდის, საჩუქრებსაც გაატანს.
![](/media/article-media/2023/08/02/thediary-192.jpg)
საოჯახო სასტუმრო მოიცავს ფართო სამზარეულოს, მისაღები ოთახს, საძინებელ ოთახს, სააბაზანოს და აუზს განსაცვიფრებელი ხედებით.
![](/media/article-media/2023/08/02/thediary-190.jpg)
„@airbnb-ს ჰქონდა ბრწყინვალე იდეა, გაეკეთებინა რაღაც, რათა სამყარო ცოტათი ნაკლებად მარტოსული ყოფილიყო“ - განაგრძო გვინეტმა, „მობრძანდით ჩემს Montecito-ს საოჯახო სასტუმროში ერთი ღამით... ვიმედოვნებ, რომ გემრიელი კერძის თანხლებით, ჩვენ ვიპოვით საერთო ენას და კავშირებს. ინებივრეთ აუზთან, აღმოაჩინეთ ჩემი საყვარელი სალაშქრო ადგილი და რა თქმა უნდა, დატკბით ჩემი საყვარელი @goop პროდუქტებით ჭეშმარიტად მდიდრული დასვენებისთვის. დაჯავშნეთ საოჯახო სასტუმრო 15 აგვისტოს დილის 10 საათზე PST-ზე ჩემს ბიო ბმულზე. იმედია მალე გიმასპინძლებთ“.
![](/media/article-media/2023/08/02/thediary-195.jpg)
![](/media/article-media/2023/08/02/thediary-196.jpg)
Airbnb-ის ლისთინგში, გვინეტ პელტროუმ აღნიშნა, რომ ის პირადად კურირებდა goop-ით შთაგონებული სივრცის მოწყობას, მაქსიმალურად კომფორტული, სარელაქსაციო და სულიერი დასვენებისთვის შესაფერისი გარემოს შესაქმნელად.
![](/media/article-media/2023/08/02/thediary-194.jpg)
საოჯახო სასტუმროში დასვენება ასევე მოიცავს ტრანსცენდენტურ მედიტაციის სესიას, სპა დღეს goop სილამაზის პროდუქტებით და მეტი goop პროდუქტს სახლში წასაღებად.
იქნებოდით გვინეტის სტუმარი ერთი ღამით?