David Koma, იგივე დავით კომახიძე, წარმოშობით ქართველი დიზაინერია. მის კოლექციებში ყოველთვის იკითხება ქართული გენის ხელწერა. კომას სამოსი ძირითად შავ (ქართველების საყვარელ) ფერშია შესრულებული. აღსანიშნავია, რომ 2017 წელს დიზაინერმა სრული კოლექცია ქართულ ჩოხას მიუძღვნა, ამის შემდეგ კი, ჟურნალებში თუ წითელ ხალიჩაზე, ქართული სამოსის თანამედროვე ვერსიაში შემოსილი არაერთი ცნობადი სახე ვიხილეთ.
კომას 2024 წლის გაზაფხულის კოლექციის "მუზა" თავად დედოფალი ელისაბედ II გახდა. როგორც დიზაინერმა აღნიშნა, მონარქისთვის სამოსის შექმნა ყოველთვის მისი ოცნება იყო. ინსპირაციის წყარო მან დედოფლის შავ-თეთრ ფოტოებში პოვა, სადაც ბრიტანეთის სამეფო ოჯახის წარმომადგენელი მოტოციკლის სამოსშია გამოწყობილი.
David Koma SS 2024-ის მთავარი სიმბოლო კი ვარდია. "ყვავილების დედოფალს" ინგლისურ კულტურაში სიმბოლური დატვირთვა აქვს. ის ტიუდორების ეპოქაში მშვიდობის ემბლემა გახლდათ. ეს პასაჟი კი ჩვენთვის, ქართველებისთვის იმითაც არის აღსანიშნავი, რომ დევიდ კომახიძემ წინასწარი გათვლით, თუ კოსმოსის ჩარევით, შუაგულ ლონდონში გამართულ ჩვენებაზე, ქართველი და აფხაზი მოდელები, მატილდა გვარლიანი და ადიცა ბერზენია გამოიყვანა.
DAVID KOMA SS 2024
როგორც კი ზაფხულის კაშკაშა მზე გამოასხივებს, მზისგან დამცავი სათვალე must-have აქსესუარების სიაში პირველ ადგილზე ინაცვლებს. ქართული ბრენდის Chicorée უკვე ერთი წელია მომხმარებელს განსხვავებული და ეფექტური ვიზუალის სათვალეებით ანებივრებს. გამორჩეული ფერთა გამის, კომფორტისა და სტილის შერწყმა ბრენდის პროდუქციაში მარტივად შეიმჩნევა.
ზაფხული თავისუფლების, უძილო ღამეების, აპეროლ შპრიცებისა და ხმამაღალი მუსიკის დროა. როდის, თუ არა წლის ყველაზე თავქარიან სეზონში, საკუთარ თავს გართობისა თუ დასვენების მაქსიმუმი თავისუფლება უნდა მივცეთ. რაც ასევე ეხება ჩაცმულობას, რა თუ არა სამოსი განსაზღვრავს ჩვენი ცხოვრების სტილს?! TheDiary-ს რედაქცია კი იმ მთავარ ტრენდებსა და ქართველ ბრენდებს გაგაცნობთ, სადაც მარტივად იპოვით საკუთარ თავს.
რა იქნებოდა გრავიტაციის კანონის გაუქმება რომ შეიძლებოდეს? ზაჰა ჰადიდმა ამ დილემის ამოხსნას თავისი შემოქმედება და ცხოვრება მიუძღვნა. მისი გუნდი კი უახლოეს მომავალში ნაგებობას თბილისში ააშენებს.
