პლატფორმიანი ფეხსაცმელების, ბაგეტის ჩანთების და კარგო შარვლების მობრუნების შემდეგ, მხოლოდ დროის საკითხი იყო, როდის ვიხილავდით დაბალწელიან შარვლებს მოდის ტენდენციებში. მიუხედავად იმისა, რომ ბევრი ჩვენგანი ჯერ კიდევ არ არის მორალურად მზად ამ ნახტომისთვის და წარსულში მიბრუნებისთვის, წამყვანი მოდის სახლები და დიზაინერები სულ უფრო აქტიურად ამატებენ საკუთარ კოლექციებში დაბალწელიან შარვლებს.
დიზაინერებს შორის, რომლებმაც 2023 წლის საგაზაფხულო სეზონზე დაბალწელიანი შარვლები წარუდგინეს მომხმარებლებს, სიმონ ჟაკმუსი, სტელა მაკარტნი, ჰედი სლიმანი და სხვები არიან.
IT გოგოებმა უკვე სრულად აიტაცეს ტრენდი, საკმარისია მოდის კვირეულების ქუჩის სტილს ან სულაც ბელა ჰადიდის, ჰეილი ბიბერის, რიანასა თუ ზენდაიას ყოველდღიური სტილის პაპარაცულ ფოტოებს შევავლოთ თვალი, იმაში დასარწმუნებლად, რომ მოდა 90-იანი წლების ყველაზე პოპულარული ტრენდის გაცოცხლებას ცდილობს.
მიუხედავად იმისა, რომ დაბალწელიანი ჯინსების ბუმი სწორედ მე-20 საუკუნის მიწურულთან ასოცირდება, ის პირველად ადრეულ 1960-იან წლებში გამოჩნდა. ეპოქაში, როდესაც ჯინსის შარვალი თვითგამოხატვის საუკეთესო საშუალებად ითვლებოდა, როკ ვარსკვლავებმა, მიკ ჯაკერმა და ჯენის ჯოპლინმა, თვითნებურად გადაკეთებული შარვლებით სრულად ახალ სტილს დაუდეს სათავე.
ამ პერიოდის დომინანტი შარვლები დღემდე ინახება Levi's-ის არქივში.
დაბალწელიანი ჯინსის შარვლების 90-იანი წლების დიდი დაბრუნება კი Central Saint Martins-ის კურსდამთავრებულის ლი ალექსანდრ მაკქუინის სახელთან ასოცირდება, რომელმაც ექსტრა დაბალი შარვლები წარუდგინა მოდის სამყაროს და მიუხედავად უდიდესი კრიტიკისა, ის პოპ ვარსკვლავების: მადონას, ბრიტნი სპირსის, პარის ჰილტონის და კრისტინა აგილერას საყვარელ სილუეტად იქცა და დღემდე განსაზღვრავს მათი პოპულარობის ზენიტის სტილს.
როგორც კი ზაფხულის კაშკაშა მზე გამოასხივებს, მზისგან დამცავი სათვალე must-have აქსესუარების სიაში პირველ ადგილზე ინაცვლებს. ქართული ბრენდის Chicorée უკვე ერთი წელია მომხმარებელს განსხვავებული და ეფექტური ვიზუალის სათვალეებით ანებივრებს. გამორჩეული ფერთა გამის, კომფორტისა და სტილის შერწყმა ბრენდის პროდუქციაში მარტივად შეიმჩნევა.
ზაფხული თავისუფლების, უძილო ღამეების, აპეროლ შპრიცებისა და ხმამაღალი მუსიკის დროა. როდის, თუ არა წლის ყველაზე თავქარიან სეზონში, საკუთარ თავს გართობისა თუ დასვენების მაქსიმუმი თავისუფლება უნდა მივცეთ. რაც ასევე ეხება ჩაცმულობას, რა თუ არა სამოსი განსაზღვრავს ჩვენი ცხოვრების სტილს?! TheDiary-ს რედაქცია კი იმ მთავარ ტრენდებსა და ქართველ ბრენდებს გაგაცნობთ, სადაც მარტივად იპოვით საკუთარ თავს.
რა იქნებოდა გრავიტაციის კანონის გაუქმება რომ შეიძლებოდეს? ზაჰა ჰადიდმა ამ დილემის ამოხსნას თავისი შემოქმედება და ცხოვრება მიუძღვნა. მისი გუნდი კი უახლოეს მომავალში ნაგებობას თბილისში ააშენებს.
