21 სექტემბერს, მილანის მოდის კვირეულზე ბოტეგა ვენეტას სახლმა პოდიუმი სათამაშო მოედნად გადააქცია. კრეატიული დირექტორის, Matthieu Blazy-ის 2025 წლის შოუს, სტუმრები პუფებზე მოკალათებულები ადევნებდნენ თვალს. დამსწრეთათვის სულ 60, ტყავის ფუმფულა პუფი შეიქმნა, რომლებზეც სხვადასხვა ცხოველის ელემენტები იყო გამოსახული. წინა რიგებში კი ისეთი ცნობილი სახეები ვიხილეთ, როგორებიც კენდალ ჯენერი, ჯეიკობ ელორდი, ნარა სმიტი, A$AP Rocky, Yang Jeong-in-ი, თუ Michelle Yeoh-ი არიან.
შეგიძლიათ, კოლექციას აქ შეავლოთ თვალი. ჩვენ კი ცნობილი ადამიანებისა და ბრენდის ამბასადორების ლუქები განვიხილოთ.
გეცოდინებათ, რომ სულ რამდენიმე დღეა, რაც კენდალი ქერა გოგოს ცხოვრებით ცხოვრობს. ამერიკელი სუპერმოდელი მილანის მოდის კვირეულზე ახალი იმიჯითა და სადა, სხეულზე მომდგარი ყავისფერი კაბით გამოჩნდა. კაბას, წელის მარცხენა კუთხეში ოქროს დეტალი ამშვენებდა. კენდალი ბოტეგა ვენეტას ნაქსოვი ტყავის ჩანთითა და ბრენდის ოქროს, წვიმის წვეთის ფორმის საყურეებით ვიხილეთ.
მოდელმა ისევ და ისევ ბოტეგას ფეხსაცმელი, Punta Pump მოდელი მოირგო. ბრენდის ეს მოდელი ალუბლის ფერის ტყავით, რელიეფური პრიალა ზედაპირითა და განსაკუთრებული ფორმით გამოირჩევა.
მომღერალი Rihanna შოუს არ დასწრებია, თუმცა დღის ბოლოს, After Party-ზე მეუღლესთან, რეპერ A$AP Rocky-სთან ერთად გამოჩნდა. წყვილი, რაღა თქმა უნდა, თავიდან ბოლომდე ბოტეგას სამოსში იყო გამოწყობილი. რიანას ღია ფერის, ყვითელი მოკლე კაბა და ამავე შეფერილობის, ოდნავ მუქ ტონალობაში გადაწყვეტილი ტყავის მოსასხამი ეცვა, რასთანაც ყავისფერ-თეთრი ხელოვნური ბეწვი ჰქონდა შეხამებული.
შოუს A$AP Rocky დაესწრო და შესაბამისადაც გამოეწყო. როკის ცისფერი, ზოლიანი შარვალი და პიჯაკი, შავი ტყავის პერანგი და მესამე ფენად ფერადი მაისური ეცვა. როგორც სჩვევია, სხეულზე უამრავი სამკაული ჰქონდა ასხმული, ლურჯი საყურეებიც ეკეთა და ხელში ლუქის გამორჩეული ნაწილი, გველის პატერნის, წითელ-ყვითელი Sardin-ის ჩანთა ეჭირა. ბოტეგას ონლაინ მაღაზიაში ეს მოდელი ნოემბრიდან გაიყიდება.
A$SAP Rocky ბრენდის ამბასადორია და ბოლო პერიოდში სარეკლამო ვიდეოებში შვილებთან ერთადაც ჩნდება ხოლმე.
მოდის ჩვენებაზე ოლიმპიური ჩემპიონი, იმან ხალიფიც გამოჩნდა. იმანს კენდალის მსგავსად ბოტეგას ოქროსფერი საყურეები ამშვენებდა.
მიუხედავად იმისა, რომ სამოსი, რომლითაც A$AP Rocky ჩვენებაზე მივიდა, ჯერ ბოტეგას გაყიდვაში არ ჩაუშვია, რეპერმა ლუქის ერთი ნაწილი მაინც შეარჩია გასული კოლექციებიდან - კლასიკური სათვალე ოქროსფერი ჩარჩოთი.
კურდღლის ფორმის პუფში მოკალათებული ჯეიკობ ელორდიც თავიდან ბოლომდე მოდის სახლის სამოსში გახლდათ გამოწყობილი. "ეიფორიას" ვარსკვლავი შავი ჟაკეტით, თეთრი მაისურითა და ასევე თეთრი შარვლით გამოჩნდა.
ჯეიკობს მხარზე 2024 წლის საგაზაფხულო კოლექციის ჩანთა, წითელი Andiamo ჰქონდა გადაკიდული. მსახიობს ხელზე Cartier-ს საათი, ყელზე ოქროს ყელსაბამი და ნეკა თითზე ზურმუხტის თვლიანი ბეჭედი ამშვენებდა.
ჩვენების გამორჩეული სტუმარი იყო ნარა სმიტიც - ინფლუენსერი, რომელმაც ტიკტოკ ექაუნთზე გასაოცარი რეცეპტებითა და დამამშვიდებელი საუბრის ტონით გაითქვა სახელი. ნარას ბოტეგას ღია ცისფერი კაბა, თეთრი ნაქსოვი ტყავის ჩანთა და წვიმის ფორმის, ოქროს საყურეები ამშვენებდა.
ესეც ნარას კაბა, რომელიც ბოტეგას ონლაინ მაღაზიაში ჯერ კიდევ ხელმისაწვდომია.
ეს კი, ის საყურეებია, რომლებიც თითქმის ყველა სტუმარარს ამშვენებდა - კენდალით დაწყებული, იმან ხალიფათ დამთავრებული.
ოქტომბრის ცა ოცნებებზე და მიზნებზე, ეს შთამაგონებელი დრამაა, რომელიც ჰომერ ჰიკამის რეალურ ისტორიაზე დაფუძნებული. ახალგაზრდას დასავლეთ ვირჯინიაში, ერთადერთი მომავალი ესახება - მამამისის კვალს გაჰყვეს და ადგილობრივ ქვანახშირის მაღაროში დაიწყოს მუშაობა.
მზის სხივების ქვეშ გატარებულმა ზაფხულის თვეებმა გარუჯული კანით დაგვიტოვა. მზის ზემოქმედება, სითბო და გარემო ფაქტორები მნიშვნელოვან გავლენას ახდენს ჩვენი კანისა და სხეულის მდგომარეობაზე. დღევანდელ სტატიაში პლასტიკური ქირურგი - მარიამ წივწივაძე იმ პროცედურებს გაგიზიარებთ, რომლებიც ზაფხულის შემდგომ კანისა და სხეულის გაჯანსაღებაში დაგეხმარებათ.
Carolina Herrera-ს ახალი სურნელი მეტია, ვიდრე უბრალოდ სუნამო - ეს არის ოდა მიძღვნილი თანამედროვე ქალისადმი. 18 სექტემბერს ისი პარიმ ქალები დახურულ ვახშამსა და სუნამოს პრეზენტაცია მიიწვია.
