თვალსა და ხელს შუა, კარზე ზაფხულიც მოგვადგა. მზიანი ამინდები და გრძელი დღეები კარგ ხასიათზე გვაყენებს და მოტივაციას გვაძლევს, უფრო დიდი დრო დავუთმოთ ჩაცმულობაზე ფიქრს. თუ ინსპირაციას ეძებთ, The Diary-ის რედაქცია ზაფხულის ყველაზე აქტუალურ ტრენდებს გაგაცნობთ.
CAPRIS
სხეულზე მომდგარი კაპრი 2024 წლის ზაფხულის ერთ-ერთი წამყვანი ტრენდია. Capris-ის სტილის შორტები უკვე გამოჩნდა ცნობილი დიზაინერების მოდის ჩვენებებსა თუ ქუჩის ჩაცმულობაში. სამოსს შეგიძლიათ შეუხამოთ როგორც სპორტული, ასევე მაღალქუსლიანი ფეხსაცმელი. ინსპირაციისთვის ლუქს ქართველი ვლოგერიც marisunny გვთავაზობს.
ე.წ. სკანდინავიური პიჟამა-შარვალი
თუ ზაფხულის სიცხეში კომფორტულად ჩაცმა გიყვართ და თან ტრენდებსაც უწყობთ ფეხს, სკანდინავიური სტილის პიჟამა შარვალი და შორტი ძალიან მოგეწონებათ. კომფორტი და მინიმალიზმი არც ამ სეზონზე კარგავს აქტუალობას; ამჯერად პიჟამებით სიარულიც კი მოდური ხდება.
ქვედაბოლოები
ამ სეზონზე, თქვენს კაპსულა გარდერობში ერთი ქვედაბოლო მაინც უნდა იქონიოთ. საშუალო სიგრძის, გრძელი და ე.წ. ბუშტივით ქვედაბოლოები 2024 წელს მოდაში დაბრუნდნენ და ამ ზაფხულსაც არ კარგავენ აქტუალობას. მოდის კრიტიკოსების თქმით, თეთრი მაქმანებიანი ქვედაბოლოები სეზონის ერთ-ერთი მთავარი მოდის ტრენდია. სხვათა შორის, ამ ზაფხულის ფერების მთავარ სიაში ღია ცისფერთან, წითელთან, იასამნისფერსა და ღია ოქროსფერთან ერთად, თეთრიც იწერება.
KITTEN HEELS
ზაფხულის ცხელ დღეებში ღია ფეხსაცმელზე უკეთესი არაფერია. წელს მერიჯეინები და ოდნავ მაღალი ქუსლით ფეხსაცმელებია მოდაში. ასე, რომ შეგიძლია ქერი ბრედშოუს ლუქებს თვალი გადაავლოთ და ინსპირაცია მისგან აიღოთ.
სათვალეები 1970-80 წლების მოდის ინსპირაციით
ზაფხულის მთავარი აქსესუარი სათვალეებია. როგორც ყოველთვის, მოდის ციკლურობაში წელსაც ვრწმუნდებით. ამჯერად, წარსულიდან 1970-80იანი წლების სათვალეების დიზაინი გაცოცხლდა და ზაფხულის წამყვანი ტრენდიც გახდა.
ამ ყველაფერთან ერთად, გაზაფხულის მთავარი ტრენდები - დიდი ქამრები, გამჭვირვალე ტანსაცმელი, ბაფთები და ფერადი აქსესუარები კვლავაც არ კარგავენ აქტუალობას.
როგორც კი ზაფხულის კაშკაშა მზე გამოასხივებს, მზისგან დამცავი სათვალე must-have აქსესუარების სიაში პირველ ადგილზე ინაცვლებს. ქართული ბრენდის Chicorée უკვე ერთი წელია მომხმარებელს განსხვავებული და ეფექტური ვიზუალის სათვალეებით ანებივრებს. გამორჩეული ფერთა გამის, კომფორტისა და სტილის შერწყმა ბრენდის პროდუქციაში მარტივად შეიმჩნევა.
ზაფხული თავისუფლების, უძილო ღამეების, აპეროლ შპრიცებისა და ხმამაღალი მუსიკის დროა. როდის, თუ არა წლის ყველაზე თავქარიან სეზონში, საკუთარ თავს გართობისა თუ დასვენების მაქსიმუმი თავისუფლება უნდა მივცეთ. რაც ასევე ეხება ჩაცმულობას, რა თუ არა სამოსი განსაზღვრავს ჩვენი ცხოვრების სტილს?! TheDiary-ს რედაქცია კი იმ მთავარ ტრენდებსა და ქართველ ბრენდებს გაგაცნობთ, სადაც მარტივად იპოვით საკუთარ თავს.
რა იქნებოდა გრავიტაციის კანონის გაუქმება რომ შეიძლებოდეს? ზაჰა ჰადიდმა ამ დილემის ამოხსნას თავისი შემოქმედება და ცხოვრება მიუძღვნა. მისი გუნდი კი უახლოეს მომავალში ნაგებობას თბილისში ააშენებს.
