პსჟ-მ ჩემპიონთა ლიგა ზედიზედ მეორედ მოიგო და პარიზის საფეხბურთო ამბავი მსოფლიო ყურადღების ცენტრში კიდევ ერთხელ მოაქცია. ბუდაპეშტში გამართული ფინალი „არსენალთან“ 1:1 დასრულდა, პენალტების სერიაში კი პარიზელებმა 4:3 გაიმარჯვეს.
ფინალში „არსენალი“ კაი ჰავერცის გოლით დაწინაურდა, თუმცა მეორე ტაიმში თამაში ხვიჩა კვარაცხელიას ეპიზოდმა შეცვალა. ქართველი ფეხბურთელი საჯარიმოში შევიდა, კრისტიან მოსკერამ მის წინააღმდეგ წესები დაარღვია, უსმან დემბელემ კი პენალტი ზუსტად შეასრულა. მატჩი დამატებით დროში გადავიდა, შემდეგ პენალტებში და ბოლოს გამარჯვება ისევ პარიზს დარჩა.
ამ გამარჯვების ყველაზე საინტერესო ნაწილი ჩვენთვის, ქართველებისთვის, რა თქმა უნდა, ხვიჩა კვარაცხელიაა. სოციალურ მედიაში მას უკვე მბაპეს შემცვლელადაც ასახელებენ. მბაპე პსჟ-ის გლობალური ეპოქის სიმბოლო იყო. სისწრაფე, სტატუსი, მსოფლიო ყურადღება და კლუბის იმიჯი ხშირად ერთი ფეხბურთელის ირგვლივ ტრიალებდა. კვარაცხელია სხვა ტიპის ვარსკვლავია. ის თამაშს მოძრაობით ცვლის. ერთი შეხება, ერთი დრიბლინგი, ერთი შესვლა საჯარიმოში და მატჩის ისტორია იცვლება.
ხვიჩა აღარ არის უბრალოდ ქართველი ფეხბურთელი, რომელიც ევროპამ აღმოაჩინა. ის დღეს პსჟ-ის ერთ-ერთი მთავარი სახეა და თანამედროვე ფეხბურთის ერთ-ერთი საუკეთესო ვინგერი. მისი სეზონი ამას ციფრებითაც აჩვენებს: ჩემპიონთა ლიგის 2025/26 სეზონში კვარაცხელიამ 10 გოლი გაიტანა.
პარიზმა ჩემპიონთა ლიგა კიდევ ერთხელ მოიგო, ხვიჩა კვარაცხელიამ კი ქართველებს სიამაყის კიდევ ერთი მიზეზი მოგვცა.
Equivalenza-ს დამოუკიდებლობის დღისადმი მიძღვნილი კამპანია არჩევანის თავისუფლების იდეას ეძღვნება. მისი მთავარი გმირი კი თამრი ხურცილავა გახლავთ, ერთ-ერთი „სუხიშვილი“, რომელიც თავისუფლების არსს ქართული მოძრაობებით ათასობით ადამიანის წინაშე აცოცხლებს.
ლუკა ადამია იუნგისა და გურჯიევის იდეებით დაინტერესებული, ტექნოლოგიური კომპანიის დირექტორი და მრავალმხრივი ინტერესების მქონე საინტერესო ადამიანია, რომელსაც მოწყენილობა არ უყვარს და ცხოვრებას არსებობის დახვეწას უძღვნის.
ოსკარის გამარჯვებული დოკუმენტური ფილმი „Mr Nobody Against Putin“ აჩვენებს, როგორ გამოიყენება რუსულ სკოლებში განათლების სისტემა პროპაგანდისთვის და როგორ ყალიბდება იდეოლოგია სასკოლო ასაკიდან.
