Fuckup Nights Tbilisi - როდესაც მარცხი წარმატების წინაპირობა ხდება

28 თებერვალს, სასტუმრო Radisson Red-ში ცხოვრებისეული გამოცდილების გაზიარების ინსპირაციული საღამო – Fuckup Nights Tbilisi გაიმართა. ამჯერად, ღონისძიების ორგანიზატორი Bene Exclusive-ი იყო. Fuckup Nights ერთგვარი პლატფორმაა, სადაც მარცხი მხოლოდ წარსულის შეცდომად კი არა, წარმატებისკენ გადადგმულ ნაბიჯადაა აღიარებული.

Fuckup Nights მსოფლიო მოძრაობაა, რომელიც 90-ზე მეტ ქვეყანას ერთიანებს. მისი კონცეფცია მარტივი და შთამაგონებელია: ყოველი წარმატებული ადამიანის უკან იმალება დამარცხებების ისტორია, რომლებმაც მათ გამძლეობა, გაბედულობა და შეუპოვრობა ასწავლეს. ეს ადამიანები კი სხვებს წარუმატებლობის ისტორიებს უზიარებენ.

თბილისში ჩატარებულ საღამოს სამი გამორჩეული სპიკერი ჰყავდა – მსახიობი კახა კინწურაშვილი, კვების ტექნოლოგი და შეფ-მზარეული ლუკა ნაჭყებია და პიანისტი დავით ალადაშვილი, რომლებმაც თავიანთი პროფესიული მარცხების შესახებ 300-მდე სტუმრის წინაშე ისაუბრეს.

მაგალითად, კახა კინწურაშვილმა გაიხსენა თავისი პირველი სტარტაპის წარუმატებლობა, რაც იმ მომენტში მტკივნეული გამოცდილება იყო, მაგრამ საბოლოოდ ახალი იდეებისა და უფრო მასშტაბური პროექტების საფუძვლად იქცა.

Fuckup Nights-ის პარალელურად, ღონისძიებაზე BENE EXPERIENCE-ის პრეზენტაციაც შედგა. ეს სრულიად ახალი კონცეფციის პროდუქტია, რომელიც მომხმარებლებს სერვისებთან ერთად, უნიკალურ და დაუვიწყარ გამოცდილებას სთავაზობს.

ღონისძიების ერთ-ერთი ყველაზე მნიშვნელოვანი ასპექტი არაფორმალური ნეთვორქინგი იყო. საღამოს მონაწილეებს შესაძლებლობა ჰქონდათ გაეზიარებინათ საკუთარი გამოცდილება, დაემყარებინათ ახალი კავშირები და გაეცვალათ იდეები.

ასე რომ, Fuckup Nights ხელს უწყობს არა მხოლოდ ბიზნეს-ურთიერთობების გაღრმავებას, არამედ სამომავლო შესაძლებლობების შექმნასაც. ეს საღამო კიდევ ერთხელ ადასტურებს, რომ მარცხი არ არის დასასრული – ის ცხოვრების ახალი თავის დასაწყისია.