13 სექტემბრის საღამოს, წმინდა პეტრეს მოედანი ანტიკური სიწმინდისა და თანამედროვე ხელოვნების შეხვედრის ადგილად იქცა. ვატიკანში ათობით ათასი ადამიანი შეიკრიბა კონცერტზე „მადლი მსოფლიოსთვის“ (Grace for the World), რომელმაც ისტორიაში მესამე World Meeting on Human Fraternity დახურა.
საღამოზე კომპანია Nova Sky Stories-ის 3000-ზე მეტი დრონი ბაზილიკის თავზე ღამის ცას ანათებდა. ვატიკანის ისტორიაში პირველად, დრონებმა ცა გამოსახულებებით მოხატეს, რასაც აღფრთოვანებისგან დადუმებული საზოგადოება უყურებდა. შოუ გარდაცვლილი პაპ ფრანცისკეს გამოსახულებით დაიწყო. ამას მოჰყვა მშვიდობის მონუმენტური მტრედი და მიქელანჯელოს ცნობილი ქანდაკება პიეტა, რომელიც მოედნის თავზე დიდებულად დაცურავდა. შემდეგ დრონებმა მიქელანჯელოს „ადამის შექმნიდან“ ხელები და ღვთისმშობლის ხატი „Salus Populi Romani“ გამოსახეს.
დრონების შოუს თან ახლდა Amazing Grace-ის დუეტი, რომელიც მსოფლიოში ცნობილმა ტენორმა, ანდრეა ბოჩელიმ და ამერიკელმა მომღერალმა, ტედი სუიმსმა შეასრულეს. მათი ხმები სიჩუმეში ჩაძირულ მოედანზე გაისმა, დრონების სუსტ ხმას შეერწყა და საზეიმო, შთამბეჭდავი ატმოსფერო შექმნა.
იტალიის ცა მშვიდობისა და ერთიანობის გზავნილის ტილოდ იქცა. შოუს თანარეჟისორები ანდრეა ბოჩელი და ამერიკელი მომღერალი ფარელ უილიამსი იყვნენ.
„მინდა მადლობა გადავუხადო მის უწმინდესობა პაპ ლეო XIV-ს, რომ გაგვიღო ამ წმინდა ადგილის კარი და შეგვახსენა, რომ ჭეშმარიტი თანაგრძნობა და მადლი ძმობით იწყება – როცა ერთმანეთს ძმებად და დებად ვხედავთ“, – ფარელ უილიამსი.
კონცერტზე საერთაშორისო არტისტების შემადგენლობა წარდგა. საღამოს მთავარმა შემსრულებელმა, ანდრეა ბოჩელიმ, კონცერტი Ave Maria-თი გახსნა. სცენაზე ვიხილეთ ამერიკელი მომღერლები ჯონ ლეჯენდი და ჯენიფერ ჰადსონი. კოლუმბიელმა მომღერალმა კაროლ ჯიმ კი საღამოზე Mientras me curo el cora და ბოჩელისთან ერთად Vivo per lei შეასრულა.
მუსიკალური პერფორმანსების გარდა, ღონისძიება მშვიდობისა და სამართლიანობის მოწოდებების პლატფორმად იქცა. ნობელის პრემიის ლაურეატმა კაილაშ სატიართიმ, მოზამბიკელმა აქტივისტმა გრასა მაშელმა და ერაყელმა ნობელის პრემიის ლაურეატმა ნადია მურადმა, აუდიტორიის წინაშე სიტყვით გამოსვლისას, ომისა და ძალადობის დასრულებისკეს, ადამიანის ღირსებისა და ძმობისადმი მეტი ერთგულებისკენ მოუწოდეს მსოფლიო საზოგადოებას.
კონცერტით დასრულდა ძმობის მსოფლიო შეხვედრა, რომელმაც 500 მონაწილე გააერთიანა. ღონისძიებაზე გლობალურ გამოწვევებზე დიალოგის პლატფორმა შეიქმნა, სადაც მშვიდობაზე, პლანეტაზე ზრუნვაზე, ტექნოლოგიების გავლენასა და კაცობრიობის მომავალზე ისაუბრეს.
პოლარიზაციით მოცულ ეპოქაში, „მადლი მსოფლიოსთვის“ სამყაროს გაერთიანების მცდელობაა, სადაც რელიგიური დღესასწაული მუსიკასთან, როგორც უნივერსალურ ენასთან ჰარმონიაში მოექცა.
სერიალის მეორე სეზონი, საინტერესო სიუჟეტთან ერთად, მრავალფეროვანი და შთამბეჭდავი კოსტიუმებითაც გამოირჩევა. Wednesday-ის გოტიკურ სამყაროს ვიზუალურ ესთეტიკაზე, უკვე მეორე სეზონია, რაც ოსკაროსანი კოლინ ეტვუდი ზრუნავს.
წინანდლის ფესტივალი კვლავ კლასიკური მუსიკისა და ისტორიული მემკვიდრეობის აღსანიშნავად გვეპატიჟება. წლევანდელი, რიგით მეშვიდე ფესტივალის ერთ-ერთი სპონსორი S-society გახლავთ, რომელიც თავისი ფილოსოფიით გვახსენებს, რომ განსაკუთრებული გამოცდილებების ძიების ხელოვნება კვლავაც ცოცხალი და აქტუალურია.
ჯეისონ მომოა ვენეციის კინოფესტივალზე ვარდისფერი კოსტიუმით, ბირკენსტოკებითა და შეღებილი ფრჩხილებით გამოჩნდა. მას წითელ ხალიჩაზე 16 წლის ვაჟი, ნაკოა-ვულფი ახლდა, რომელიც Dune: Part Three-ში მონაწილეობს.
