თუ კი რომელიმე დიზაინერისგან, ახალი კოლექციის წარდგენის ორიგინალურ მეთოდს ველოდით, ეს უდავოდ თიკო პაქსაშვილია, რასაკვირველია, ბრენდ TIKO PAKSA-ს დამაარსებელმა იმედები არც ამჯერად გაგვიცრუა და ციფრული ფორმარტის გამოყენების ალტერნატიული გზა მოიფიქრა.
TIKO PAKSA-ს 2021 წლის შემოდგომა/ზამთრის კოლექციის ლუქბუქისთვის ბუნებრივი გარემო შეირჩა და მოდელებმაც სტანდარტულ ფორმაში წარმოადგინეს ბრენდის ახალი სილუეტები, რაც შეეხება მულტიმედიურ კონტენტს, აქ ბრენდის კრეატიულმა დირექტორმა პოდიუმზე სწორხაზოვნად სიარულის ნაცვლად, მოდელების გვერდითა რაკურსიდან გადაღებული ვიდეოკადრები შემოგვთავაზა.
TIKO PAKSA ატელიე აერთიანებს მიმზიდველ, მოდურ და ფერად კოლექციებს მაღალი ხარისხის სამკერვალოთი, სადაც ყველა დეტალი მნიშვნელოვანია. ეს არის ყოველი დღის გარდაქმნა რაღაც ძალიან უნიკალურში.
თიკო პაქსაშვილის რჩეული მოდელები მისი სამოსის მსგავსად მკაცრად კლასიკურები და ბუნებრივები გახლდნენ, TIKO PAKSA-მ ავთენტურ სტილს არც ამჯერად უღალატა და ჩვეული ესთეტიკით ფემინური და მასკულინური სტილის იდეალური სინთეზი შემოგვთავაზა.
TIKO PAKSA თიკო პაქსაშვილმა 2012 წელს თბილისში დააარსა. თიკომ თბილისის სახელმწიფო სამხატვრო აკადემია დაამთავრა და უკვე 2013 წელს ადგილობრივი კონკურსის - Be Next-ის გამარჯვებული გახდა. თიკო პაქსაშვილის ბრენდს იდეა და მიდგომა გამოარჩევს, TIKO PAKSA თავის კოლექციებსა და აქსესუარებს ეკოლოგიურად სუფთა და მდგრადი მასალებისგან ქმნის.
„საღამოობით ქუჩაში მეზობლები იკრიბებოდნენ და ომის სისასტიკეებზე ყვებოდნენ თავიანთ ისტორიებს - რუსეთის მიერ ჩადენილს“,- გაიცანით მარიამ აქუბარდია, ქართველი არტისტი, რომლის ნამუშევრებიც პირადი და კოლექტიური მეხსიერების ერთგვარი ნაზავი და ომისშემდგომი ცხოვრებისა და ადამიანური ტრაგედიების დოკუმენტაციაა.
მარიამ ახობაძის ხელოვნება ფსიქოლოგიურ პორტრეტებსა და ფიგურატიულ ფერწერას აერთიანებს. მისი უნიკალური ხედვა და ემოციური თხრობა მნახველს ისტორიის ერთ წამში მოხვედრის საშუალებას აძლევს, სადაც ფერები, ფორმები და სიჩუმე თავის ამბავს ჰყვებიან. The Diary ქართველ ფერმწერთან საინტერესო ინტერვიუს გთავაზობთ.
ოსკარები 2025 ახლოვდება! სულ რამდენიმე საათი და გავიგებთ, თუ ვინ მოიგებს საუკეთესო ფილმის, მსახიობისა და რეჟისორის პრიზებს.
