„The White Lotus“ ევროპაში გადადის

„The White Lotus“-ის მეოთხე სეზონის მოქმედება პარიზსა და ფრანგულ რივიერაზე განვითარდება. სერიალი, რომელმაც ფუფუნების თემატიკა სოციალური დაკვირვების ფორმად აქცია, ამჯერად Four Seasons-ის სასტუმროების ქსელის ფარგლებს გასცდება და ევროპულ კულტურულ კონტექსტში გადაინაცვლებს.

სერიალის „The White Lotus“ გადაღებები დაგეგმილია ისეთ ადგილებში, რომლებიც საფრანგეთის კულტურული მემკვიდრეობის ნაწილია. Le Lutetia და Ritz Paris ეს ორი საუკუნეზე მეტია პარიზულ ელეგანტურობასთან ასოცირდება.

Le Lutetia, რომელმაც სტუმრებს კარები პირველად 1910 წელს გაუღო, წარსულში პაბლო პიკასოს, ჩარლი ჩაპლინისა და ჯოზეფინ ბეიკერის თავშესაფარი იყო. Ritz Paris-ში კი ცხოვრობდნენ კოკო შანელი, ფრენსის სკოტ ფიცჯერალდი და მარსელ პრუსტი, ის ადამიანები, რომლებმაც პარიზი ხელოვნებისა და ინტელექტის სიმბოლოდ აქციეს.

საფრანგეთი სერიალს ახალ ფორმას სძენს. თუ წინა სეზონები ეგზოტიკურ ადგილებში ვითარდებოდა, ახალი ეპიზოდები ფუფუნების ისეთ კულტურულ ცენტრში ვითარდება, სადაც სიმდიდრე და ესთეტიკა ისტორიის ნაწილია. „The White Lotus“-ის სამყაროში სწორედ ეს მიმართულება იწვევს ყველაზე დიდ ინტერესს: როგორ იშლება ფორმა, როცა ადამიანი საკუთარ თავთან მარტო რჩება.

მაიკ უაითის მიერ შექმნილი სამყარო ასახავს იმ საზოგადოების პრივილეგილირებულ ნაწილს, სადაც სტატუსი ხშირად მხოლოდ ნიღაბია. „The White Lotus“-ის მთავარი ნარატივი კვლავ ამბავია ფუფუნების ილუზიაზე, რომელიც მუდამ ეჯახება ადამიანური ბუნების რეალობას.

„The White Lotus“-ის მეოთხე სეზონი ამჟამად შექმნის პროცესშია, გადაღებები კი 2026 წელს იგეგმება.