ათწლეულზე მეტია თაკო მექვაბიძე ყოველ სეზონზე მნახველს ერთიანად მონუსხულსა და აღფრთოვანებულს ტოვებს, დიზაინერს და მისივე სახელწოდების მქონე ბრენდს ჩვენთვის იმედი ამ დრომდე არც ერთხელ არ გაუცრუებიათ, რაც მთავარია, დიზაინერს წლიდან-წლამდე განვითარება და წინსვლა ნათლად ეტყობა. მერსედეს-ბენც მოდის კვირეულის დღევანდელი დღის მეორე ციფრული ჩვენება, სწორედ TAKO MEKVABIDZE-ს ეკუთვნის.
2021 წლის შემოდგომა/ზამთრის კოლექცია, მართალია, სეზონებისთვის მოულოდნელ, თუმცა თაკო მექვაბიძისთვის სრულად მისაღებ ნათელ, პასტელურ ფერებს მოიაზრებს, მკვეთრი წითლისა და ოქროსფერი სილუეტებით, ყოველივე ეს კი 70-80-იანი წლების სტილის გავლენით იფუთება, შთაგონების მთავარ წყაროს კი ერთადერთი და განუმეორებელი ბიანკა ჯაგერი ასრულებს.
ჩემი ინსპირაცია ბრიტანელი როკ მუსიკოსი, მიკ ჯაგერის მეუღლე ბიანკა ჯაგერი გახდა. ძლიერი, თავდაჯერებული ქალი, შთამბეჭდავი გარეგნობითა და სტილის უნიკალური შეგრძნებით - თაკო მექვაბიძე
თაკო მექვაბიძის ქალი თავდაჯერებულია, მას შეუძლია თამამად ატაროს მამაკაცის თარგზე აწყობილი, მასკულინური სტილის მატარებელი სამოსი, ერთდროულად თან დაატაროს კლასიკაც და დღესასწაულიც.
TAKO MEKVABIDZE-ს შემოდგომა/ზამთრის კოლექციაში რამდენიმე ნაცნობ სილუეტებსაც მოკრავთ თვალს, რომლებზეც დიზაინერმა ხელახლა იმუშავა და თითოეულ მათგანს ახალი სიცოცხლე შთაბერა. თაკო მექვაბიძის ქმნილებათა შორის უკვე რამდენიმე წელია საპატიო ადგილს იკავებს ვეგანური ტყავი და ხელოვნური ბეწვი, რითაც დიზაინერი მოდის სახელით ცხოველების არაადამიანურ მოპყრობასა და წამებას გმობს.
მარიამ ახობაძის ხელოვნება ფსიქოლოგიურ პორტრეტებსა და ფიგურატიულ ფერწერას აერთიანებს. მისი უნიკალური ხედვა და ემოციური თხრობა მნახველს ისტორიის ერთ წამში მოხვედრის საშუალებას აძლევს, სადაც ფერები, ფორმები და სიჩუმე თავის ამბავს ჰყვებიან. The Diary ქართველ ფერმწერთან საინტერესო ინტერვიუს გთავაზობთ.
ოსკარები 2025 ახლოვდება! სულ რამდენიმე საათი და გავიგებთ, თუ ვინ მოიგებს საუკეთესო ფილმის, მსახიობისა და რეჟისორის პრიზებს.
გიორგი ქებურიამ ლონდონის მოდის კვირეულზე შემოდგომა/ზამთრის კოლექცია ქართული ბენდის, Skazz-ის, მუსიკის ფონზე წარადგინა. კოლექციაში დიზაინერმა კლასიკური და თანამედროვე ესთეტიკის შერწყმით დინამიკური და გამორჩეული სამოსი შემოგვთავაზა.
