ბრიჯიტ ჯონსს ლონდონში ძეგლი დაუდგეს
ლონდონში, ლესტერ სკვერში, ბრიჯიტ ჯონსის ბრინჯაოს ძეგლი გაიხსნა. ინსტალაცია რენი ზელვეგერის მიერ შექმნილი პერსონაჟის კულტურულ გავლენას აღნიშნავს.
დეკემბრის კინოპრემიერები
29 ნოემბერი 2025დეკემბერი საინტერესო სიახლეებით იწყება. კინოკალენდარი მრავალფეროვანი ჟანრებით არის შევსებული. გთავაზობთ საუკეთესო პრემიერების ხუთეულს.
JAY KELLY
თვე ნოა ბაუმბახის ახალი ფილმით Jay Kelly იწყება, რომელიც 5 დეკემბერს გამოდის. ორი გამორჩეული მსახიობი ერთ ნამუშევარში კინოდეკემბერს განსაკუთრებულ ხასიათს სძენს. ჯორჯ კლუნის გმირი, კინოვარსკვლავი ჯეი კელი ევროპაში თავისი მენეჯერის თანხლებით მოგზაურობს, რომლის როლს ადამ სენდლერი ასრულებს. მოგზაურობის პროცესში გმირი წარსულსა და აწმყოს ეჯახება და ცდილობს გაიაზროს გარდამტეხი მომენტები, რომლებმაც მისი ცხოვრება განსაზღვრა.
AVATAR: FIRE AND ASH
ჯეიმს კამერონი 19 დეკემბერს ბრუნდება „ავატარის ცეცხლითა და ფერფლით“, პანდორას საგის მესამე ნაწილით. ფილმი გვთავაზობს ახალ ტერიტორიებს და აგრესიულ ნა ვის ტომს, აშის ხალხს, რომელსაც ვარანგი ხელმძღვანელობს. ჯეიკის და ნეიტირის ოჯახი ნეტეიამის დაკარგვის შემდეგ რთულ პერიოდს გადის და პანდორაზე კონფლიქტის გამწვავების ფონზე ახალი მორალური არჩევანების წინაშე დგება. მიშელ იეო მეცნიერ კარინა მოგის როლში ჩნდება, ხოლო უნა ჩაპლინი ვარანგს განასახიერებს. მესამე ნაწილი აგრძელებს „წყლის გზით“ დაწყებულ მასშტაბურ ისტორიას.
THE SPONGEBOB MOVIE: SEARCH FOR SQUAREPANTS
დეკემბერში ასევე ველოდებით „სპანჯბობის ფილმი კვადრატული შარვლის ძიებაში“. გმირები ისევ წყალქვეშა სამყაროში დაგვაბრუნებენ, თუმცა სიუჟეტი უფრო დაძაბულია და სპანჯბობი ამჯერად მფრინავი ჰოლანდიელის აჩრდილს უპირისპირდება. პროექტში მონაწილეობს იგივე გამხმოვანებელი გუნდი, რომელმაც სერიალი 1999 წლიდან დღემდე შეინარჩუნა. სპანჯბობი Nickelodeon-ის ერთ-ერთ ყველაზე ხანგრძლივ პროექტად ითვლება.
MARTY SUPREME
25 დეკემბერს ჯოშ საფდის რეჟისორობით გამოდის Marty Supreme. ტიმოთე შალამე მაგიდის ჩოგბურთის ოსტატ მარტი რაისმანს განასახიერებს. სიუჟეტი თანაბარ ყურადღებას ანიჭებს მის წარმატებებსა და სირთულეებს და ასახავს ცხოვრებას, რომელიც საერთაშორისო აღიარებასა და პირად ბრძოლებს შორის მერყეობდა. შალამესთან ერთად მონაწილეობენ ოდესა აზაიონი და გვინეთ პელტროუ.
THE TESTAMENT OF ANN LEE
სიას ასრულებს ამანდა სეიფრიდი ფილმით „ენ ლის აღთქმა“, რომელშიც ის რელიგიური სექტის, „შეიკერების“ ლიდერს, ენ ლის თამაშობს. ფილმი იკვლევს ამერიკის ისტორიაში ერთ-ერთი უდიდესი უტოპიური კომუნის ჩამოყალიბებას, რომლის მიმდევრებიც ენ ლის ქალ ქრისტედ მიიჩნევდნენ. სიუჟეტი დაფუძნებულია რეალურ ისტორიაზე და XVIII საუკუნეში ვითარდება.
არ გამოგრჩეთ
ამერიკელი რეპერი CARDI B მეოთხეჯერ გახდა დედა
შესაძლებელია თუ არა, რომ რომ წარმატებული კარიერა ოჯახს შევუთავსოთ, ამის ნათელი მაგალითია ამერიკელი რეპერი Cardi B, რომელიც მეოთხეჯერ გახდა დედა.
„The White Lotus“ ევროპაში გადადის
„The White Lotus“-ის ახალი სეზონი საფრანგეთში ვითარდება. სერიალი პარიზსა და ფრანგულ რივიერაზე გადაინაცვლებს და ფუფუნების სამყაროს ევროპულ კუთხით წარმოგვიდგენს.