ოსკარები 2025: რას უნდა ველოდოთ ჰოლივუდის ყველაზე მნიშვნელოვან საღამოზე?
ოსკარები 2025 ახლოვდება! სულ რამდენიმე საათი და გავიგებთ, თუ ვინ მოიგებს საუკეთესო ფილმის, მსახიობისა და რეჟისორის პრიზებს.
ყველაზე ვარსკვლავური მოდური მოვლენის მთავარი თემა ცნობილია. 2025 წლის MET Gala 5 მაისს, ნიუ-იორკში, მეტროპოლიტენის ხელოვნების მუზეუმში გაიმართება, ხოლო ღონისძიების მთავარი თემა ამჯერად "Superfine: Tailoring Black Style" იქნება, რომელიც შავკანიანი მამაკაცების მოდის მნიშვნელობას და შავკანიანი იდენტობის ფორმირებაში მის როლს შეისწავლის.
მეტ გალა მოდის სამყაროში ერთ-ერთი ყველაზე პრესტიჟული ღონისძიებაა, რომელიც ყოველ წელს ხელოვნებისა და მოდის სამყაროს ვარსკვლავებს აერთიანებს.
შავკანიანი კულტურის აღიარება და მისი ხელოვნებისა და მოდის სამყაროზე გავლენა, დღევანდელ საზოგადოებაში განსაკუთრებულად მნიშვნელოვანი ხდება.
2018 წელს მეტ გალას თემა "Heavenly Bodies: Fashion and the Catholic Imagination" შავკანიანი დიზაინერების გავლენასაც მოიცავდა, მაგრამ ამჯერად, შავკანიანთა შემოქმედება MET Gala-ს კონცეფციის ბირთვი გახდება. მოდის და ხელოვნების სამყაროში, ამ თემის განსახილველად, ექსპოზიციაში შავკანიანი კულტურის მნიშვნელოვანი ელემენტები იქნება წარმოდგენილი. ექსპოზიცია ტანსაცმელს, ნახატებს, ფოტოებს და სხვა ხელოვნების ნიმუშებს აერთიანებს, რომლებიც შავკანიანი დენდიზმის ისტორიისა და მისი გავლენის შესწავლას მოიცავს.
მოგეხსენებათ, რომ ყოველწლიურად, მეტ გალას ორგანიზებაში მოდის, სპორტისა და გართობის სფეროს ცნობილი წარმომადგენლები ერთვებიან. წელს, ანა ვინტურთან ერთად, მეტ გალას თავმჯდომარეები კოლმან დომინგო, ლუის ჰამილტონი, A$AP Rocky და ფარელ უილიამსი იქნებიან.
ცნობილი კალათბურთელი, ლებრონ ჯეიმსი კი საპატიო თანათავმჯდომარის როლს მოირგებს.
მოსაწვევების თემა კი "Tailored for You" გახლავთ, რაც საკუთარი სტილის პერსონალურად მორგებული სილუეტებით გამოხატვას გულისხმობს. მიუხედავად იმისა, რომ ღონისძიების თემა გალამდე რამდენიმე თვით ადრე ხდება ცნობილი, “დავალების” სრული სიზუსტით შესრულებას ბევრი სტუმარი ვერ ახერხებს. ესეც თავისებური გამოწვევაა. საბოლოოდ, დიზაინერებთან, მოდის სახლებთან და სტილისტებთან ერთად რამდენიმე კვირიანი სამზადისის შედეგს, პუბლიკა და პრესა მეტ გალას წითელ ხალიჩაზე აფასებს.
არ გამოგრჩეთ
გიორგი ქებურიას დებიუტი ლონდონის მოდის კვირეულზე
გიორგი ქებურიამ ლონდონის მოდის კვირეულზე შემოდგომა/ზამთრის კოლექცია ქართული ბენდის, Skazz-ის, მუსიკის ფონზე წარადგინა. კოლექციაში დიზაინერმა კლასიკური და თანამედროვე ესთეტიკის შერწყმით დინამიკური და გამორჩეული სამოსი შემოგვთავაზა.
წითელი ხალიჩის გამორჩეული ლუქები ბერლინალე 2025-ზე
ბერლინალეს 2025 წლის წითელი ხალიჩა ელეგანტურობით გამოირჩეოდა. ნახეთ, როგორ გამოიყურებოდნენ რობერტ პატინსონი, მარიონ კოტიარი, ჯესიკა ჩესტეინი და სხვა ვარსკვლავები ფესტივალზე.