მადონა Coachella-ზე 20 წლის შემდეგ დაბრუნდა და მისი გამოჩენა საბრინა კარპენტერის ჰედლაინ სეტის ერთ-ერთი მთავარ მომენტად იქცა. პარასკევს, 17 აპრილს, კარპენტერის გამოსვლის ბოლოს მადონა სცენაზე მოულოდნელად ავიდა და მაყურებლის წინაშე „Vogue“ და „Like a Prayer“ შეასრულა. საღამოს განმავლობაში გაჟღერდა ახალი დუეტიც, „I Feel So Free“, რომელიც მის ახალ ალბომს, „Confessions II“-ს უკავშირდება.
მადონა სცენაზე საბრინა კარპენტერის სიმღერა „Juno“-ს შესრულებისას გამოჩნდა. „Juno“ მისი მეექვსე სტუდიური ალბომის ერთ-ერთი სიმღერაა და ბოლო პერიოდში სწორედ ამ ნომერს უკავშირდება კარპენტერის შოუებში მოულოდნელი სტუმრების გამოჩენაც. Coachella-ზე ამ ტრადიციამ კიდევ უფრო დიდი მასშტაბი მიიღო, რადგან ამჯერად მაყურებელმა სცენაზე თავად მადონა იხილა.
მადონას ეს მოულოდნელი გამოჩენა შემთხვევითი არ ყოფილა. რამდენიმე დღით ადრე მან ოფიციალურად დააანონსა ახალი ალბომი „Confessions II“, რომელიც 2026 წლის 3 ივლისს გამოვა. Billboard-ის ცნობით, ეს შვიდწლიანი პაუზის შემდეგ მისი პირველი სრულმეტრაჟიანი ალბომია.
საღამოს ერთ-ერთი მთავარი ნაწილი „I Feel So Free“-ის ერთობლივი შესრულება იყო. ეს სიმღერა მადონას ახალი ალბომის, „Confessions II“-ის პირველი სინგლია და Coachella-ზე მისი ცოცხალი შესრულება ახალი მუსიკალური ეტაპის საჯარო წარდგენადაც იქცა.
Amazon Prime-ის ახალი სერიალი Off Campus რომანტიკული დრამების ჟანრს ახალ სიცოცხლეს სძენს. სერიალი ელ კენედის პოპულარულ წიგნებს ეფუძნება და მაყურებელს საინტერესო თინეიჯერულ დრამაში ეპატიჟება.
TheDiary-ის ახალი Cover Story საქართველოს დამოუკიდებლობის დღეს ეძღვნება. მისი მთავარი გმირები მსახიობი აპოლონ კუბლაშვილი და „დელფოსის“ გამორჩეული კოლექციაა, რომელიც თითბრისგან შექმნილ მოვერცხლილ და მოოქრულ ფიგურებს აერთიანებს.
Tbilisi Newcomers 2026 საკონკურსო ნამუშევრების მიღებას იწყებს. განაცხადების მიღება 22 მაისიდან 7 ივნისის 18:00 საათამდე გაგრძელდება.
