მოხარულები ვართ წარმოგიდგინოთ მერსედეს-ბენც მოდის კვირეულის კიდევ ერთი წარმატებული ციფრული ჩვენება KOMBINIZONA-სგან, რომელსაც სოციალური კამპანია და ინდივიდუალური ხასიათი დაჰყვება ფონად, თუმცა ეს ბრენდის დაარსების დღიდან ასე იყო და რა გასაკვირია, რომ ახლაც, მსოფლიოსთვის საკმაოდ კრიტიკულ მომენტში KOMBINIZONA, 21-ე საუკუნის ყველაზე დიდი გამოწვევის შესახებ გვესაუბრება.
„ბეტონის ქალაქის სიზმრები“ - ამ გზავნილისა და სახელწოდების ქვეშ გაერთიანდა KOMBINIZONA-ს 2021 წლის შემოდგომა/ზამთრის კოლექცია, რომელიც ურბანული პრობლემების ფონზე კორონავირუსის მსოფლიო პანდემიის გამოწვევების შესახებ გვიამბობს.
ვამაყობ, რომ ქსოვილების სრული უმრავლესობა სპეციალურად კოლექციისთვის შეიქმნა ჩემი ნახატებით და სამყაროში არსად ანალოგი არ გააჩნია - განო მელითაური
ციფრული ჩვენება ქართველი კინოსა და თეატრის მსახიობის, ნანკა კალატოზიშვილის, გამოსვლით დაიწყო, რომელსაც სხვა მოდელებიც მოყვნენ ფეხდაფეხ. ყოველდღიური სტილის სამოსი, ფერადი კომბინეზონები, სპორტული ორეულები, კლასიკური სამოსი და კაბები - ყოველივე ამის ხილვა სხვა არა ერთი ბრენდის ჩვენებაშიც შეგვიძლია, თუმცა ის, რაც KOMBINIZONA-ს სხვებისგან გამოარჩევს ფერთა მრავალფეროვნება და ერთი შეხედვით შეუსაბამო ფერების ჰარმონიული თანხვედრაა.
თითოეულ მოდელს ჩვენებაში სხვადასხვა პრინტით გაფორმებული ბადე-აირწინაღები ამშვენებდა, რაც ჩვენი ყოველდღიურობის განუყოფელი ნაწილის - პირბადეების რომანტიზებულ სახეს წარმოადგენდა.
„საღამოობით ქუჩაში მეზობლები იკრიბებოდნენ და ომის სისასტიკეებზე ყვებოდნენ თავიანთ ისტორიებს - რუსეთის მიერ ჩადენილს“,- გაიცანით მარიამ აქუბარდია, ქართველი არტისტი, რომლის ნამუშევრებიც პირადი და კოლექტიური მეხსიერების ერთგვარი ნაზავი და ომისშემდგომი ცხოვრებისა და ადამიანური ტრაგედიების დოკუმენტაციაა.
მარიამ ახობაძის ხელოვნება ფსიქოლოგიურ პორტრეტებსა და ფიგურატიულ ფერწერას აერთიანებს. მისი უნიკალური ხედვა და ემოციური თხრობა მნახველს ისტორიის ერთ წამში მოხვედრის საშუალებას აძლევს, სადაც ფერები, ფორმები და სიჩუმე თავის ამბავს ჰყვებიან. The Diary ქართველ ფერმწერთან საინტერესო ინტერვიუს გთავაზობთ.
ოსკარები 2025 ახლოვდება! სულ რამდენიმე საათი და გავიგებთ, თუ ვინ მოიგებს საუკეთესო ფილმის, მსახიობისა და რეჟისორის პრიზებს.
