Dua Lipa დიდი ბრიტანეთის ცნობილ გლასტონბერის ფესტივალზე მაყურებლის წინაშე ჰიტებითა და განუმეორებელი პერფორმანსით წარსდგა.
ინგლისელი მომღერალი ფესტივალის სცენაზე არა ერთი ან ორი, არამედ ხუთი სხვადასხვა ლუქით გამოჩნდა.
28 ივნისს, დუამ ფესტივალის მესამე დღე ფენომენალური შესრულებით დახურა და კიდევ ერთხელ დაამტკიცა, რომ პოპ-კულტურის კაშკაშა ვარსკვლავის ტიტულს ნამდვილად იმსახურებს.
ვწერდი და ვოცნებობდი, დაუღალავად ვშრომობდი, რომ დღეს აქ ვყოფილიყავი
დუა ლიპამ ორსაათიან კონცერტზე ჰიტები “Training Season”, “One Kiss”, “Levitating”, “Houdini” შეასრულა. სიურპრიზად, დუამ სცენაზე კევინ პარკერი, "The Less I Know the Better"-ის შესასრულებლად მიიწვია. პარკერი დუა ლიპასთან ერთად მესამე, უახლეს სტუდიური ალბომზე, Radical Optimism-ზე მუშაობდა.
სიმღერებს შორის პაუზების დროს, დუამ ხუთი ლუქის გამოცვლა მოასწრო. მომღერლის სტილზე Jahleel Weaver-მა, რიანას სტილისტმა იზრუნა. Weaver-მა ბრიტანულ Vogue-თან ინტერვიუში ახსენა, რომ დუას ხუთი ლუქის მოსამზადებლად მხოლოდ ერთი თვე ჰქონდა და ინსპირაცია, რაღა თქმა უნდა, ალბომისა და ამავე სახელწოდების ტურის - Radical Optimism-ის სიმღერებიდან აიღო.
დუა ლიპასა და Weaver-ის ერთობლივ მუშაობას, ცეცხლოვან ნათლობად აფასებენ. მომღერლის გარეგნობაში თმის ფერის ცვლილება განსაკუთრებით თვალშისაცემია. სტილისტის თქმით, "დუას წითელი თმა წარსული ეპოქებისგან ძალიან განასხვავებს. ქალ არტისტებში თმის ეს ფერი ყოველთვის თავისუფლებასთან ასოცირდებოდა. როცა დუას თმას ვუყურებ, მაშინვე ცნობილი წითელთმიანები მაგონდება. ესენია Poison Ivy, The Cramps-იდან და Nina Hagen-ი". Weaver-ს Rihanna-სთან მუშაობის გამოცდილებიდან გამომდინარე, არტისტის მეტამორფოზში თმის ფერის მნიშვნელობა ყველაზე კარგად ესმის.
დიზაინერი თითოეულ ლუქს განიხილავს: პირველი ლუქი Chrome Hearts-ის Jesse Jo Stark-მა შექმნა. გამხსნელ ლუქს მისია ჰქონდა - ეჩვენებინა დუა ლიპას პიროვნება - ახალგაზრდა, ძლიერი, სექსუალური. ამ დავალების შესრულება კი Chrome Hearts-ის დიზაინერმა იდეალურად შეძლო. დუამ სცენა ტყავის მოკლე ქვედაბოლოთი გახსნა. ლუქს ქინძისთავები, უზარმაზარი ქამარი და ტყავის ჩექმები ამშვენებდა.
კონცერტის მეორე ნაწილი მყუდრო და ინტიმურ გარემოს ქმნიდა. სცენაზე ფაქტობრივად მხოლოდ დუა ლიპა და ბენდის წევრები იდგნენ. ამიტომაც, სტილისტმა ქალის თეთრეულის შთაგონებით მსუბუქი სამოსი შეარჩია. დუას მეორე ლუქში ვერსაჩეს ნაცრისფერი აბრეშუმის კაბა აცვია, რომელსაც შავი მაქმანები ამშვენებს.
ორსაათიანი პერფორმანსის მესამე ნაწილი ქორეოგრაფიით დატვირთული იყო, მომღერლის ჩაცმულობაც ამის შესაბამისად შეირჩა. მას Michael Schmidt-ის მიერ შექმნილი შავი და წითელი ჯაჭვის შორტები, შესაფერისი ქამრით, ეცვა. მაისური კი საკულტო ინგლისური ბენდის Shakespears Sister-ის პატივისცემის ნიშნად შეირჩა. ბენდის მაისური Saint Luis-ის უნიკალური ვინტაჟური კოლექციიდანაა. ლუქის ინსპირაცია კი Debbie Harry-ი გახლდათ.
სტილისტის თქმით, მეოთხე ლუქი წინამორბედების გამაერთიანებელი უნდა ყოფილიყო. დიზაინი Acne Studios-ს ეკუთვნის.
ბოლო ე.წ. encore look-ი Loewe-ს დიზაინერებმა შექმნეს. ბოდე, რომელიც ყელსახვევს წააგავს, შორტები უზარმაზარი მეტალის ბალთიანი ქამრით და Gianvito Rossi-ს ჩექმები - აი ასე დახურა დუამ კონცერტი.
მარიამ ახობაძის ხელოვნება ფსიქოლოგიურ პორტრეტებსა და ფიგურატიულ ფერწერას აერთიანებს. მისი უნიკალური ხედვა და ემოციური თხრობა მნახველს ისტორიის ერთ წამში მოხვედრის საშუალებას აძლევს, სადაც ფერები, ფორმები და სიჩუმე თავის ამბავს ჰყვებიან. The Diary ქართველ ფერმწერთან საინტერესო ინტერვიუს გთავაზობთ.
ოსკარები 2025 ახლოვდება! სულ რამდენიმე საათი და გავიგებთ, თუ ვინ მოიგებს საუკეთესო ფილმის, მსახიობისა და რეჟისორის პრიზებს.
გიორგი ქებურიამ ლონდონის მოდის კვირეულზე შემოდგომა/ზამთრის კოლექცია ქართული ბენდის, Skazz-ის, მუსიკის ფონზე წარადგინა. კოლექციაში დიზაინერმა კლასიკური და თანამედროვე ესთეტიკის შერწყმით დინამიკური და გამორჩეული სამოსი შემოგვთავაზა.
