ოსკარები 2025: რას უნდა ველოდოთ ჰოლივუდის ყველაზე მნიშვნელოვან საღამოზე?
ოსკარები 2025 ახლოვდება! სულ რამდენიმე საათი და გავიგებთ, თუ ვინ მოიგებს საუკეთესო ფილმის, მსახიობისა და რეჟისორის პრიზებს.
Chanel 110 წლის იუბილეს აღნიშნავს. 2025 წლის მაღალი მოდის ჩვენება პარიზის გრან პალეში ბრენდის საუკუნოვან მემკვიდრეობას მიეძღვნა. ეს სეზონი მოდის სახლში გარდამტეხი ეტაპია, რადგან სულ მალე გუნდს ახალი კრეატიული დირექტორი, მეტიუ ბლეიზი, შეუერთდება. უახლესი კოლექცია შანელის შემოქმედებითმა გუნდმა საერთო ძალებით შექმნა. სამოსში გაბრიელ შანელის ხედვა კიდევ ერთხელ გაცოცხლდა.
სცენოგრაფმა უილო პერონმა გრან პალე ზღაპრულ სივრცედ გარდაქმნა. გრანდიოზული პოდიუმი შანელის ამოტრიალებულ ლოგოს - ორ "C"-ს განასახიერებდა, რომელიც თან უსასრულობის სიმბოლოს ჰგავდა.
პოდიუმზე მოდელები მსუბუქი, ჰაეროვანი ქსოვილებისგან შექმნილი სამოსით გამოჩნდნენ. თვითონ კოლექცია ფერების სიმფონია იყო, რომელიც დღე-ღამის ციკლს ეხმიანებოდა. პირველი ლუქები – ღია აბრეშუმის კაბები და სადა ორეულები - განთიადის სიმშვიდეს გადმოსცემდა.
შემდეგ გამოჩნდა მზის სხივებით განათებული ფერები: ყვითელი კოსტიუმი, იისფერი კაბა და ნარინჯისფერი პალტო, რომელიც იისფერ ჟაკარდის კაბასთან იყო შეხამებული. ბოლოს, ღამის ცის თემატიკით შთაგონებული ლუქები ვიხილეთ – მუქი ლურჯი და მბრწყინავი თეთრი, რომლებიც ვარსკვლავებით მოჭედილ ცას განასახიერებდნენ.
შანელის დამახასიათებელი სტილი თანამედროვე ხელოვნებით იყო გაჯერებული. კოსმოსური სიმბოლოებით გაფორმებული ღილები, მეტალისა და ბროლის დეტალები მზისა და მთვარის მოტივებს ეხმიანებოდა. ვიხილეთ ხავერდოვანი ქამრები და შანელის სადა ფეხსაცმელები, რომლებიც ყველა ლუქს იდეალურად ერწყმოდა.
მატილდას ხილვას მაღალი მოდის ჩვენებებზე უკვე მივეჩვიეთ. ქართველმა მოდელმა ვარდისფერი და შავი ლუქი მოირგო.
განსაკუთრებული მომენტები იყო ვარსკვლავებით ნაქარგი კაბა, მოცულობითი ცისფერი მოსასხამით. ჩვენების კულმინაციური მომენტი კი საქორწილო კაბა გახდა. მთავარი ლუქი ამერიკელმა მოდელმა ლულუ ტენიმ მოირგო.
ხასხასა ფერებთან ერთად, კოლექციაში გამოიყენეს გაბრიელ შანელის ცნობილი შავი ფერიც, როგორც ელეგანტურობისა და სიმარტივის სიმბოლო. 2025 წლის გაზაფხული/ზაფხულის კოლექცია სწორედ ამ დუალიზმს ეძღვნებოდა და აერთიანებდა როგორც დახვეწილ, ასევე გაბედულ ფერთა კომბინაციებს.
არ გამოგრჩეთ
გიორგი ქებურიას დებიუტი ლონდონის მოდის კვირეულზე
გიორგი ქებურიამ ლონდონის მოდის კვირეულზე შემოდგომა/ზამთრის კოლექცია ქართული ბენდის, Skazz-ის, მუსიკის ფონზე წარადგინა. კოლექციაში დიზაინერმა კლასიკური და თანამედროვე ესთეტიკის შერწყმით დინამიკური და გამორჩეული სამოსი შემოგვთავაზა.
წითელი ხალიჩის გამორჩეული ლუქები ბერლინალე 2025-ზე
ბერლინალეს 2025 წლის წითელი ხალიჩა ელეგანტურობით გამოირჩეოდა. ნახეთ, როგორ გამოიყურებოდნენ რობერტ პატინსონი, მარიონ კოტიარი, ჯესიკა ჩესტეინი და სხვა ვარსკვლავები ფესტივალზე.