ლონდონის Royal Festival Hall-მა, BAFTA-ს რიგით 76-ე დაჯილდოების ცერემონიას უმასპინძლა. ბრიტანული აკადემიის ფილმების დაჯილდოების ტრიუფატორად გერმანული ფილმი All Quiet on the Western Front მოგვევლინა, რომელმაც 14 ნომინაციიდან, 7-ში გამარჯვება მოიპოვა. Netflix-ის ომის საწინააღმდეგო ეპოსმა რამდენიმე ძირითად კატეგორიაში გაიმარჯვა, მათ შორის საუკეთესო რეჟისორის, ხმისა და ფილმის ნომინაციებიც გახლდათ.
გამარჯვებების სიუხვით გამოირჩეოდა The Banshees of Inisherin-იც, მარტინ მაკდონაგის ფილმმა გასულ ღამეს 10-დან - 4 კატეგორიაში გაიმარჯვა.
10 ნომინაციით გახლდათ წარდგენილი ოსკარების ერთ-ერთი ფავორიტი ფილმი Everything Everywhere All At Once, თუმცა მან ბრიტანული აკადემიისგან მხოლოდ 1 პრიზი დაიმსახურა.
წლის საუკეთესო მსახიობი ქალისა და მამაკაცის ნომინაციები, BAFTA 2023-ზე ოსტინ ბატლერმა და ქეით ბლანშეტმა გადაინაწილეს. ოსტინს გამარჯვება Elvis-ში შესრულებული როლისთვის, ქეითს კი Tar-ში განსახიერებული პერსონაჟისთვის ხვდა წილად.
წლის საუკეთესო რეჟისორის, უცხოენოვანი ფილმის, ანიმაციისა და ორიგინალური თუ ადაპრიტებული სცენარის გამარჯვებულები, შემდეგნაირად გადანაწილდნენ:
წლის საუკეთესო ფილმი - All Quiet on the Western Front
წლის საუკეთესო ბრიტანული ფილმი - The Banshees of Inisherin
წლის საუკეთესო რეჟისორი - ედვარდ ბერგერი (All Quiet on the Western Front)
წლის საუკეთესო ორიგინალური სცენარი - The Banshees of Inisherin
წლის საუკეთესო ადაპტირებული სცენარი - All Quiet on the Western Front
წლის საუკეთესო მსახიობი ქალი - ქეით ბლანშეტი
წლის საუკეთესო მამაკაცი - ოტინ ბატლერი
წლის საუკეთესო უცხოენოვანი ფილმი - All Quiet on the Western Front
წლის საუკეთესო დოკუმენტური ფილმი - Navalny
წლის საუკეთესო ანიმაციური ფილმი - გილერმო დელ ტოროს პინოქიო
წლის საუკეთესო კოსტუმების დიზაინი - კეტრინ მარტინი (Elvis)
წლის საუკეთესო ვიზუალური ეფექტები - Avatar: The Way Of Water
„შაშვი შაშვი მაყვალი“ – თამთა მელაშვილის რომანი პოლონეთში 2024 წლის საუკეთესო წიგნად დასახელდა. ემოციურად დატვირთული ტექსტი, რომელსაც საერთაშორისო აღიარება და ეკრანიზაციაც მოჰყვა, მკითხველს ძლიერი შთაბეჭდილებით ტოვებს.
„საღამოობით ქუჩაში მეზობლები იკრიბებოდნენ და ომის სისასტიკეებზე ყვებოდნენ თავიანთ ისტორიებს - რუსეთის მიერ ჩადენილს“,- გაიცანით მარიამ აქუბარდია, ქართველი არტისტი, რომლის ნამუშევრებიც პირადი და კოლექტიური მეხსიერების ერთგვარი ნაზავი და ომისშემდგომი ცხოვრებისა და ადამიანური ტრაგედიების დოკუმენტაციაა.
მარიამ ახობაძის ხელოვნება ფსიქოლოგიურ პორტრეტებსა და ფიგურატიულ ფერწერას აერთიანებს. მისი უნიკალური ხედვა და ემოციური თხრობა მნახველს ისტორიის ერთ წამში მოხვედრის საშუალებას აძლევს, სადაც ფერები, ფორმები და სიჩუმე თავის ამბავს ჰყვებიან. The Diary ქართველ ფერმწერთან საინტერესო ინტერვიუს გთავაზობთ.
