რა წიგნები აჩუქა WHITE LOTUS-ში ჩელსიმ საქსონს?
„თეთრი ლოტუსის“ მესამე სეზონში საქსონ რატლიფის პერსონაჟი თვალსაჩინო ტრანსფორმაციას გადის — ჩელსის და ბუდისტური ლიტერატურის დახმარებით, პრივილეგირებული nepo baby სულიერ ძიებას იწყებს.
2022 წლის ოქტომბერში, რიგით მეათსე სტურიდური ალბომის Midnights-ის გამოშვებიდან რამდენიმე დღეში, ტეილორ სვიფტი გახდა ისტორიაში პირველი შემსრულებელი, რომელმაც Billboard Hot 100 სიმღერების სიაში 10 ადგილი დაიკავა. ერთი თვის შემდეგ, ტეილორის 14 მილიონმა ერთგულმა გულშემატკივარმა, მომღერლის 2023 Eras Tour-ზე ბილეთების შეძენა ისეთი სისწრაფით და მონდომებით გადაწყვიტა, რომ ამ პროცესმა Ticketmaster-ის მწყობრიდან გამოსვლაც კი გამოიწვია.
Midnights-ის წარმატებისა და Eras Tour-ის მიმართ გაჩენილი მოლოდინის მიუხედავად, გასულ წელს ტეილორმა $92 მილიონი შემოსავლიდან, დიდი ნაწილი წინა წლებში გამოშვებული მუსიკით მიიღო. 2022 წლის 10 ყველაზე შემოსავლიან ცნობილ ადამიანს შორის, ტეილორ სვიფტი მეცხე ადგილს იკავებს. ათეული კი შემდეგნაირად გამოიყურება:
1. Genesis - $230 მილიონი
პროგრესული როკის პიონერებმა, Concord Music Group-სთვის სიმღერების უფლებების მიყიდვით $300 მილიონი მიიღეს და ათეულის სათავეშიც მოექცნენ.
2. სტინგი - $210 მილიონი
17 გრემის მფლობელმა და Police-ის ყოფილმა სოლისტმა, მთელი თავისი მუსიკალური ნაწარმის (როგორც სოლო ასევე The Police-თან ერთად) გაყიდვიდან, გადასახადებამდე, $300 მილიონი მიიღო.
3. ტაილერ პერი - $175 მილიონი
თანამედროვე რენესანსის ადამიანს, მსახიობ-რეჟისორ-მწერალ-სტუდიის მაგნატს კიდევ ერთი მომგებიანი წელი ჰქონდა, მისი სატელევიზიო შოუს სტრიმინგიდან, ტაილერ პერიმ $175 მილიონის შოვნა შეძლო.
4. ტრეი პარკერი და მეთ სტოუნი - $160 მილიონი
პოპულარული ანიმაციური სატელევიზიო შოუს South Park-ის შემქმნელმა წყვილმა 2022 წელი დიდებულად ჩაამთავრა. 2021 წელს მათ ხელი მოაწერეს ექსკლუზიურ კონტრაქტს Paramount-თან, რომელიც მათ 6 წლის განმავლობაში 935 მილიონი დოლარის გარანტირებულ შემოსავალს ჰპირდება.
5. ჯეიმს ბრუკსი და მეთ გროენინგი - $105 მილიონი
ბრუკსი და გროენინგი The Simpsons-ის შემქმნელები არიან. 2019 წლის აპრილში, შოუ, თავისი 30 სეზონით, FX-დან Disney+-ზე გადავიდა, ამ გარიგებით კი მის შემქმნელებს ყოველწლიურად $105 მილიონი ერგებათ.
6. ბრედ პიტი - $100 მილიონი
ბრედმა, დეკემბერში, თავისი საპროდიუსერო კომპანიის Plan B Entertainment-ის დიდი ნაწილი Mediawan-ს მიჰყდა, ამ გარიგებით პირმა $113 მილიონი გამოიმუშავა. 2022 წელს, 59 წლის მსახიობმა, ასევე მონაწილეობა მიიღო ფილმებში:"Bullet Train, Babylon და The Lost City.
7. The Rolling Stones - $98 მილიონი
ლეგენდარულმა ბრიტანულმა როკ ჯგუფმა The Rolling Stones-მა, ევროპის 15 ქალაქში გამართული თითო კონცერტიდან, $8.5 მილიონი მიიღო. ბენდის სრულმა შემოსავალმა 2022 წელს $98 მილიონი შეადგინა.
8. ჯეიმს კემერონი - $95 მილიონი
Avatar: The Way of Water-ის გამოსვლის დღიდან 2022 წლის ბოლომდე, რეჟისორმა ჯეიმს კემერონმა $95 მილიონამდე გამოიმუშავა. ფილმის წარმატების წყალობით, კემერონი ახლა ყველა დროის ყველაზე შემოსავლიანი 3 ფილმის რეჟისორი გახლავთ, Avatar: The Way of Water-თან ერთად სიაში, Avatar (2009) და Titanic (1997) მოიაზრებიან.
9. ტეილორ სვიფტი - $92 მილიონი
ტეილორის წარმატებაზე უკვე ბევრი ვილაპარაკეთ, თუმცა აღსანიშნავია ის ფაქტიც, რომ მხოლოდ შეერთებულ შტატებში, მომღერლის 2022 წლის ალბომის Midnights-ის 1,8 მილიონი ასლი გაიყიდა.
10. Bad Bunny - $88 მილიონი
Bad Bunny-მ 2022 წლის შემოსავლების დიდი ნაწილი, ორი ტურნეთი El Último Tour Del Mundo და The World's Hottest Tour-ით გამოიმუშავა. მომღერლის სარფიან გარიგებებს შორის იყო Corona, Cheetos და Adidas.
არ გამოგრჩეთ
თამთა თავართქილაძისთვის მუსიკა იდენტობის არსი და ემოციებში მოგზაურობაა
გაიცანით თამთა თავართქილაძე, რომლის ელექტრონულ ტრეკში, სახელად „საქართველო“, ზურაბ ჟვანიას ხმა ელექტრონული მუსიკის ფონზე დიდებულად ჟღერს. წაიკითხეთ მის შემოქმედებაზე, მუსიკალურ მოგზაურობაზე, ინსპირაციასა და მომავალ პროექტებზე The Diary-ს ექსკლუზივ ინტერვიუში.
ფილმი „ჯოი“ - ისტორია ადამიანზე, რომლის დაბადებაც ძალიან უნდოდათ
2024 წლის ფილმი Joy ინ ვიტრო განაყოფიერების სამეცნიერო გადატრიალებაზე მოგვითხრობს. ეს არის ემოციური და ადამიანური დრამა, რომელიც მეცნიერების ჯგუფის ბრძოლას ასახავს – სკეპტიციზმის, ეთიკური დილემებისა და სოციალური გამოწვევების წინააღმდეგ.