რეცეპტი: პასტა სეზონური გოგრის სოუსით

შემოდგომამ თან სეზონური რეცეპტების ბედნიერება მოგვიტანა, If.ge ამჯერად ჩვენს მკითხველს პასტას რეცეპტს უზიარებს გოგრის სოუსით, რომელიც პიკანტური გემოთი და განსაკუთრებული არომატით გამოირჩევა. თუკი, ექსპერიმენტების მოყვარული ბრძანდებით, მაშინ ეს რეცეპტი რაც შეიძლება მალე უნდა გამოიყენოთ.

ინგრედიენტები:

• პასტა
• გოგრა 200 გრ.
• ნიორი 1 კბილი
• ბოსტნეულის ნახარში 50 გრ.
• ორეგანო ნახევარი ჩ.კ.
• დაღერღილი წიწაკა
• მარილი
• ზეითუნის ზეთი 1 ს.კ.
• წყალი

მომზადების წესი:

პასტა მოხარშეთ მარილიან წყალში, პარალელურად, ცხელ ტაფაზე მოასხით ზეითუნის ზეთი და დაყარეთ წვრილად დაჭრილი ნიორი, კარგად მოთუშეთ. მიღებულ მასას დაამატეთ დაბლენდერებული გოგრა და განაგრძეთ მოთუშვა. როდესაც მასა მზად იქნება დაამატეთ ბოსტნეულის ნახარში და აადუღეთ.

ადუღებულ მასას მოაყარეთ მარილი, დაღერღილი წიწაკა და ორეგანო, დაამატეთ პასტა და კარგად აურიეთ, თეფშზე სურვილისამებრ მოაყარეთ პარმეზანი.