კიმი ანტონელი ფორმულა 1-ის ისტორიაში ყველაზე ახალგაზრდა მსოფლიო ჩემპიონია
20 წლის კიმი ანტონელი ფორმულა 1-ის ისტორიაში ყველაზე ახალგაზრდა მსოფლიო ჩემპიონი გახდა და სებასტიან ფეტელის რეკორდი გააუმჯობესა.
2026 წლის CFDA-ის მოდის დაჯილდოება: წითელი ხალიჩის გამორჩეული ლუქები
3 ნოემბერი 2026ნიუ-იორკში, ამერიკის ბუნების ისტორიის მუზეუმში, 2026 წლის CFDA-ის მოდის დაჯილდოების ცერემონია გაიმართა. ღონისძიებამ მოდის ინდუსტრიის წამყვანი დიზაინერები, მსახიობები და ცნობილი სახეები გააერთიანა. საღამოს წამყვანი კეკე პალმერი იყო, სტუმრების ჩაცმულობის მთავარი თემა კი ამერიკული დიზაინის აღნიშვნა გახდა.
ამერიკელი ქალის სამოსის საუკეთესო დიზაინერის ჯილდო რეიჩელ სკოტს გადაეცა ბრენდისთვის Diotima, მამაკაცის სამოსის კატეგორიაში კი გამარჯვებული რალფ ლორენი გახდა. აქსესუარების დიზაინერის ჯილდო ანა ხურის ერგო, ამომავალი დიზაინერის კატეგორიაში კი კოლინ ალენმა გაიმარჯვა. პიტერ მარინო მოდის ხატად აღიარეს, ხოლო Saint Laurent-ის კრეატიულმა დირექტორმა ენტონი ვაკარელომ საერთაშორისო დიზაინერის ჯილდო მიიღო.
წითელ ხალიჩაზე განსაკუთრებული ყურადღება მიიქცია Saint Laurent-ის ოქროსფერმა ლუქებმა: ენტონი ვაკარელო, როზე, ანია რუბიკი, ზოი კრავიცი და ჰეილი ბიბერი ბრენდის სამოსში გამოჩნდნენ. მათი არჩევანი ვაკარელოს შემოქმედებას უკავშირდებოდა, რადგან მან ჯილდო Saint Laurent-ში გატარებული ათი წლის აღსანიშნავად მიიღო.
საღამოს სტუმრებს შორის ასევე იყო დემი მურიც Gap Studio-ს სამოსში. მსახიობმა ზაკ პოზენის მიერ შექმნილი, ჯინსის ესთეტიკით შთაგონებული კაბა მოირგო.
წარმოგიდგენთ დაჯილდეობის წითელი ხალიჩის საუკეთესო ლუქებს:
გრეისი აბრამსი – Colleen Allen
ლილა მოსი – Juju Vera
ელ ფენინგი – Coach
ზოი კრავიცი – Saint Laurent
ტინაშე – Christopher John Rogers
მეტ დეიმონი – Ralph Lauren
ნარა სმიტი – Altuzarra
მონა თუგარდი – LII
პამელა ანდერსონი – Carolina Herrera
როუზ ბირნი – Carolina Herrera
გაბრიელა ჰერსტი
არ გამოგრჩეთ
შემოდგომის ყაზბეგი და სასტუმრო Intourist Kazbegi
გერგეტის სამება, მყინვარწვერი და შემოდგომის ფერებით შეცვლილი კავკასიონის მთები – ყაზბეგი წლის ამ დროს განსაკუთრებულად ლამაზია. TheDiary-ის უიქენდის არჩევანი Intourist Kazbegi-ა, სასტუმრო სტეფანწმინდაში, რომლის ნომრებიდან და ტერასიდან რეგიონის მთავარი ღირსშესანიშნაობები მოჩანს.
Esquisse Design Hotel: დასვენება კახეთის გულში
ბუტიკ-სასტუმრო „ესკიზი“ თელავში: ეკლექტიკური ინტერიერი, სპა, ღია და დახურული აუზები და კახური სამზარეულო. TheDiary-ის არჩევანი უიქენდისთვის.