ორაგულის ტარტარი მანგოთი - შეფ დავითის რეცეპტი

დავით გამსახურდია ახალგაზრდა მზარეულია, რომელიც Thediary-ს მკითხველს საკუთარი იტნერპრეტაციით შექმნილ ტარტარის რეცეპტს გვთავაზობს.

ინგრედიენტები:

- 80 გრ ორაგულის ფილე

- 5 მგ სოიას სოუსი 

- 20 გრ მანგო 

- ბაგეტი ან ჩიაბატა

- მარილი 

მომზადების წესი: 

მომზადების წესი საკმაოდ მარტივია: ორაგულის ფილე წვრილ კუბიკებად დაჭერით, დაუმატეთ ცოტა მარილი, 5 მგ სოიას სოუსი და კუბიკებად დაჭრილი 20 გრ მანგო. ერთმანეთში ფრთხილად შეაზავეთ ტარტარის ინგრედიენტები და შეეცადეთ ლამაზად მოათავსოთ იგი თეფშზე. კერძის სერვირება, მის გემოვნურ თვისებებზე არანაკლებად მნიშვნელოვანია. სერვირებისთვის შეგიძლიათ გამოიყენოთ თხლად დაჭრილი ბაგეტი, ჩიაბატა ან, როგორც ჩემს შემთხვევაში, სპრინგ როლის ცომი. კერძი შეგიძლიათ მორთოთ მწვანე ზეთით და მანგოს პიურეთი.

მწვანე ზეთის მომზადების წესი: 

100 გრ ოხრახუში 1-2 წთ განმავლობაში დააბლანშირეთ, კარგად გაწურეთ და 300 გრ მზესუმზირას ზეთთან ერთად დააბლენდერეთ. მიღებული მასა შეინახეთ მაცივარში და გამოიყენეთ ნებისმიერი კერძის გასაფორმებლად.

გაამოთ!