იტალიური მოდის სახლი Gucci ფორმულა 1-ის სამყაროს ნაწილი ხდება. 2027 წლის სეზონიდან ბრენდი Alpine Formula One Team-ის პარტნიორი და სატიტულო სპონსორი იქნება. Alpine-ის გუნდი ახალი სახელით Gucci Racing Alpine Formula One Team გამოჩნდება ტრეკზე, ხოლო მრბოლელები Gucci-ს ესთეტიკით შთაგონებული მანქანებით იასპარეზებენ.
თანამშრომლობის ფარგლებში შეიქმნება ახალი პლატფორმა Gucci Racing, რომელიც მოდასა და სპორტს გააერთიანებს.
Gucci-ს პრეზიდენტის თქმით, Alpine-თან თანამშრომლობა ბრენდისთვის ახალი ეტაპის დასაწყისია. Alpine-ის წარმომადგენლებიც აღნიშნავენ, რომ პარტნიორობა მოდასა და სპორტს შორის კავშირს კიდევ უფრო გააძლიერებს.
Gucci Racing მხოლოდ Formula 1-ის სარბოლო წრეზე ყოფნას არ ნიშნავს. ეს იმის გამოხატულებაა, თუ ვინ ვართ და რა მასშტაბით გვინდა ბრენდის განვითარება. წინ კიდევ ბევრი საინტერესო ეტაპი გველის, – Francesca Bellettini.
ეს Formula 1-ის ისტორიაში პირველი შემთხვევაა, როდესაც მაღალი მოდის სახლი გუნდის სატიტულო სპონსორი ხდება. ამ ინოვაციურ პროექტში კი ერთ-ერთი მთავარი ფიგურა Gucci-ს შემოქმედებითი ხელმძღვანელი, დემნა გვასალია იქნება.
ფორმულა 1 გლობალური გავლენის მქონე პლატფორმაა, რომლის აუდიტორია სწრაფად იზრდება. ამიტომაც Gucci-სთვის ეს პარტნიორობა ბრენდის ხილვადობისა და გავლენის ზრდისთვის იდეალური შესაძლებლობაა.
TheDiary-ს რჩევით, ზაფხულის ჩანთაში მზისგან დამცავსა და წყალთან ერთად, ადგილი სეზონის მთავარ აქსესუარებსაც უნდა დაუთმოთ. ციფრული კამერა, პანამა, დიდი სათვალეები და პატარა სუნამოები ზაფხულის დღეებს უფრო კომფორტულსა და სასიამოვნოს გახდის.
ფერადი, დიდი ზომის ბეჭდები, რომლებიც ყველაზე მარტივ ლუქსაც კი სრულიად ახალ ხასიათს სძენს, სეზონის მთავარი აქსესუარია. იმ ბრენდებს შორის, რომლებმაც ამ ტრენდის საინტერესო ვერსიები შექმნეს, არის ქართული NISSA – ხელნაკეთი სამკაულების ბრენდი, რომელსაც ნიცა მორჩაძე ქმნის.
მოდის სახლ Balenciaga-ს ახალი Pre-Fall კამპანიის მთავარ გმირად მსახიობი სარა პიჯონი გვევლინება. კამპანია სახელწოდებით „A New York Minute: Keep Rolling“ კინემატოგრაფიული ნამუშევარია, რომელიც მანჰეტენის უშრეტი, დაუღალავი ენერგიით არის შთაგონებული.
