მოდით, 2 წუთით დავფიქრდეთ იმაზე, რომ მსოფლიოში ორი ყველაზე სექსუალური არსება ერთმანეთს ხვდება! (ყველასთვის თუ არა, ჩვენი დიდი ნაწილისთვის ჩენინგ ტატუმი და ზოე კრავიტსი ორ ყველაზე სექსუალურ არსებად ითვლება. დასტურად იხილეთ ფოტო!)
დიახ, Magic Mike-ის ვარსკვლავისა და ლენი კრავიტსის ქალიშვილის რომანის შესახებ სრულიად ონლაინ სამყარო საუბრობს. მას შემდეგ, რაც წყვილი New York-ის ქუჩაში ველოსიპედით სეირნობისას დააფიქსირეს, ყვითელი მედია ახალი ურთიერთობის დეტალების გარკვევას ცდილობს.
რაც უკვე ვიცით ისაა, რომ ზოეს და ჩენინგის გზები ფილმის გადაღებებზე გადაიკვეთა. ამჟამად კრავიტსი სარეჟისორო ნამუშევარზე - Pussy Island მუშაობს, რომელშიც ერთ-ერთ როლს ტატუმი ასრულებს. მათი რომანის შესახებ ჭორები წლის დასაწყისშიც გავრცელდა, თუმცა მაშინ ინფორმაცია ორივე მხარემ უარჰყო.
ბოლო ორიოდე კვირის მანძილზე კი შეყვარებულები New York-ის ქუჩებში ერთად უკვე რამდენჯერმე დააფიქსირეს. ამჯერად პაპარაცის მიერ გადაღებული ფოტოები Page Six-მა გამოაქვეყნა, რომლებშიც ზოეს შავი ფერის ტოპი და თავისუფალი სტილის შარვალი აცვია, ჩენინგი კი თეთრ მაისურსა და შავი ტილოს შარვალშია გამოწყობილი. წყვილი ცენტრალურ პარკში სეირნობისას გადაიღეს.
ჟურნალისტებმა არც აციეს, არც აცხელეს და ახალი წყვილის შესახებ აზრი ტატუმის ყოფილ მეუღლეს - ჯენა დიუანს ჰკითხეს. წყარო იუწყება, რომ ჯენას ჩენინგის ბედნიერება ყოველთვის ახარებს.
შეგახსენებთ, რომ ჩენინგ ტატუმმა ყოფილი მეუღლე ცნობილი სიქველის - Step Up-ის გადაღებებზე 2006 წელს გაიცნო.
წყვილი 2009 წელს შეუღლდა. მათ საერთო შვილი 2013 წელს შეეძინათ. ცოლ-ქმარი 2018 წელს დაშორდა, რის შემდეგაც ჯენა მეორედ გათხოვდა, 41 წლის ჩენინგმა კი შეხვედრა ცნობილ მომღერალთან - Jessie J-სთან დაიწყო.
რაც შეეხება ზოეს, 32 წლის ლამაზმანი მეუღლეს 2020 წელს გაშორდა. მსახიობი კოლეგას - კარლ გლასმანს 2016 წლიდან მოყოლებული ხვდებოდა. წყვილმა ზოეს მამის - ლენი კრავიტსის სახლში, პარიზში 2019 წელს იქორწინა, თუმცა ცოლ-ქმრულმა უღელმა სულ რაღაც 1 წელი იარა.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
