Divergent-ის ვარსკვლავი მეორე ნახევრის შესახებ ალაპარაკდა. შეილინ ვუდლიმ The Hollywood Reporter-თან აარონ როჯერსთან ნიშნობისა და მათი გასაიდუმლოებული ურთიერთობის დეტალები გაანდო.
29 წლის მსახიობმა გულის სწორი გასულ წელს, COVID 19-ის პანდემიის დროს იპოვა. Hollywood-ელი ვარსკვლავი, რომელიც პირადი ცხოვრების შესახებ ისედაც იშვიათად საუბრობს, აარონის გაცნობის შემდეგ კიდევ უფრო მიუწვდომელი გახდა. მეტიც, წყვილის ნიშნობის შესახებ საზოგადოებამ რამდენიმე თვიანი პაუზის შემდეგ შეიტყო.
გვინდოდა, რომ ცოტა ხანი ჩვენს ბუშტში მშვიდად გვეცხოვრა.
შეილინი ამბობს, რომ მისი და NFL-ის ვარსკვლავის ურთიერთობა სრულიად შემთხვევით და ძალიან მალე დაიწყო. მსახიობმა და ამერიკული ფეხბურთის 37 წლის ვარსკვლავმა ერთმანეთი მონრეალში გაიცნეს, სადაც ვუდლი ფილმის გადაღებებზე იმყოფებოდა.
ეს ბედისწერა იყო. ძალიან მცირე შანსი არსებობდა იმისა, რომ ჩვენ ერთმანეთს სადმე შევხვედროდით.
შეილინმა ნიშნობის ამბავი თებერვალში - Jimmy Fallon-ს გადაცემაში სტუმრობისას დაადასტურა. წყვილი გაცნობიდან მალევე ერთად საცხოვრებლად გადავიდა. ვუდლი ამბობს, რომ სწრაფად მიღებულმა გადაწყვეტილებამ მათი ურთიერთობა გაამყარა.
როდესაც პანდემიის დროს ვიღაცასთან საცხოვრებლად გადადიხარ, ნიღბები ქრება. ადამიანი ზუსტად ისეთი ხდება, როგორიც სინამდვილეშია.
საინტერესოა ისიც, რომ შეილინი ამერიკული ფეხბურთის მოყვარული არაა, ამიტომ აარონის კარიერას თვალს არასდროს ადევნებდა. მსახიობი ხუმრობს, რომ მისთვის როჯერსი ერთი ფეთხუმი ბიჭია, რომელსაც ტელე შოუების ყურება უყვარს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
