კარგი მუსიკა, თუ კარგი პერფორმანსი იმაზე ძლიერ დატვირთვას ატარებს, ვიდრე პოლიტიკური მოწოდებები, თუ კამპანიების სლოგანებია. ამის ნათელი მაგალითი იმ არტისტების ჩამონათვალია, რომლებიც წლების მანძილზე LGBTQ თემის ხმის როლს ირგებდნენ და სიყვარულის ყველა ფერში უნივერსალურ მიმღებლობაში გადამწყვეტი როლი შეასრულეს.
მუსიკალური ლეგენდები, რომლებსაც საუკუნეების მანძილზე არ დავივიწყებთ, თავის დროზე ფართო საზოგადოების მხრიდან კრიტიკის, შეურაცხყოფის და მუქარის ობიექტებადაც კი ქცეულან. The Diary იმ არტისტების ჩამონათვალს გთავაზობთ, რომლებიც წლების მანძილზე LGBTQ თაყვანისმცემლებს საკუთარი ხმის პოვნაში ეხმარებოდნენ.
FREDDIE MERCURY
ფრედის სექსუალურმა ორიენტაციამ რომ Queen-ის მუსიკასა და იმიჯზე უდიდესი გავლენა იქონია, ამაზე ყველა შევთანხმდებით. თავად ფრედი კი თავისუფალი სიყვარულის სიმბოლოდ იქცა. I want to break free დღემდე LGBTQ თემის ერთ-ერთ ჰიმნად ითვლება.
LADY GAGA
ლედი გაგასა და მისი ე.წ. “მონსტრების” ურთიერთობა სპირიტუალურ საფეხურებს აღწევს. მუსიკოსს პირადი ცხოვრება და მძიმე გამოცდილება თაყვანისმცემლებისთვის არაერთგზის გაუზიარებია, ხოლო მისი მუსიკა ყოველთვის სიყვარულისა და მიმღებლობისკენ მოგვიწოდებს.
ELTON JOHN
თითქოს 70-იან წლებში ელტონ ჯონის ჩანაწერს მავანნი და მავანნი ფლობდნენ, თუმცა მუსიკოსისთვის მაშინ დიდებაზე მნიშვნელოვანი, საკუთარი პოზიციის გეი მამაკაცების მიმართ დამოკიდებულების შესაცვლელად გამოყენება გახლდათ. ყველაფერი მას შემდეგ შეიცვალა, რაც ელტონმა შიდსის კამპანიისთვის მილიონობით დოლარი მოიზიდა. 2005 წელს კი ხმამაღალი განაცხადი დიდხნიან მეორე ნახევარზე - დევიდ ფერნიშზე ქორწინებით გააკეთა.
DAVID BOWIE
Glam Rock-ის ნათლიმამამ LGBTQ თემის ისტორიაში უმნიშვნელოვანესი როლი შეასრულა. მისი გარდაცვალების შემდეგ, სოციალურ მედიაში იმის თაობაზე წერდნენ, თუ რამხელა გავლენა მოახდინა მუსიკოსმა მათ ცხოვრებაზე და როგორ დაეხმარა Queer კულტურის განვითარებას 60-70-იან წლებში.
MADONNA
პოპის დედოფლის მიერ შიდსის აფეთქების პერიოდში გაწეული შრომა ფასდაუდებელია. LGBTQ თემისთვის ყველაზე რთულ ეპოქაში ლეგენდარულმა შემსრულებელმა საკუთარი ხმა, სცენა და პოპულარობა, გეი საზოგადოების მხარდასაჭერად, ცნობადობის ასამაღლებლად და ხალხის მიდგომის შესაცვლელად გამოიყენა.
CHER
გეი საზოგადოება მასში რაღაცას ყოველთვის ხედავდა. წარმოშობით სომეხი მუსიკოსის ანგარიშზეა LGBTQ თემის ყველა დროის ჰიმნი - Believe, რომელმაც მომღერალს მსოფლიო აღიარება მოუტანა.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
