ანიტა რაჭველიშვილი საერთაშორისოდ აღიარებული მეცოსოპრანოა, რომელიც სულ ცოტა ხნის წინ გერმანულმა საოპერო გამოცემამ Оper! Magazin წლის საუკეთესო ხმად აღიარა.
საქართველოს პრეზიდენტის სტიპენდი, 1984 წელს დაბადებული ანიტა რაჭველიშვილი, საქართველოს ოპერის დასის წევრი 2006 წელს გახდა, რასაც მალევე მოყვა მოწვევა მილანის „ლა-სკალას“ აკადემიაში. იქ დანიელ ბარენბოიმ შენიშნა და „კარმენში“ მთავარი როლის შესრულება შესთავაზა. 25 წლის ანიტა ყველაზე ახალგაზრდა მომღერალი გახდა, რომელმაც კარმენის როლი ოპერის დიდ სცენაზე მიიღო. სწორედ ამას მოყვა მსოფლიო აღიარება და „კარმენის“ მოგზაურობა ისეთ ოპერებში, როგორებიცაა: მეტროპოლიტენ ოპერის თეატრი, ბავარიის სახელმწიფო ოპერა, ბერლინის სახელმწიფო ოპერა, სიეტლის ოპერა, სან-ფრანცისკოს ოპერის თეატრი, ტურინის თეატრი, კანადის ოპერის თეატრი და სხვა.
ანიტა, ვერდის ოპერა „აიდა“
ანიტას არაერთი ჯილდო, პრემია თუ აღიარება აქვს მიღებული და მათ შორის არის Bachtrack Opera Awards, რომელიც მსოფლიოს ერთ-ერთი ყველაზე პრესტიჟული დაჯილდოებაა, მათ ანიტა 2016 წლის საუკეთესო ქალ მომღერლად აღიარეს. ამავდროულად, ეარდგენილი იყო International Opera Awards 2017-ზე. Operalife-ის რეიტინგში კი ოპერის ყველაზე ლამაზ მომღერლად დაასახელეს.
ანიტა, ბიზეს ოპერა „კარმენი“
„ვენებში სისხლი გეყინება, როცა ანიტა რაჭველიშვილს უსმენ. ის სცენაზე იმარჯვებს“
ანიტას შესაძლებლობებით მუდმივად აღფრთოვანებულია საერთაშორისო მედია და მათ შორის New York Times-იც: „ვენებში სისხლი გეყინება, როცა ანიტა რაჭველიშვილს უსმენ. ის მთელ შოუს ისაკუთრებს და თავის პერსონაჟს ემოციურ გრადაციებსა და ფერთა პალიტრას უბრუნებს. ის სცენაზე იმარჯვებს“.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
