11 თებერვალს, Allegiant Stadium-მა ამერიკული სპორტის ერთ-ერთ ყველაზე მნიშვნელოვან საღამოს, სუპერბოულს უმასპინძლა. ეროვნული საფეხბურთო ლიგის (NFL-ის) ჩემპიონატის ფინალი, Kansas City Chiefs-სა და The San Francisco 49-ს შორის გაიმართა და წელს პირველად, ამ უკანასკნელის მაყურებლების რიგებს ასი ათასობით გოგონა შეუერთდა, რაც თავისთავად, ტეილორ სუიფტის დამსახურებაა.
მოგეხსენებათ, რომ სუიფტის რჩეული, ტრევის კელსი Kansas City Chiefs-ის რიგებშიბ თამაშობს, პოპ ვარსკვლავი კი მის მხარდასაჭერად შანსს ხელიდან არ უშვებს. ამას სპორტული სამყაროც აფასებს.
მეტიც, NFL-მა ეკრანზე ტრევის კელსის გამოჩენისას, სპორტსმენის რეგალიად "ტეილორ სუიფტის ბოიფრენდი" დააწერა.
ის, ვინც ამ თამაშისთვის ღამე გაათენა, დაგვეთანხმება, რომ გადაწყვეტილებას წამითაც არ ინანებდა. ერთმანეთის მხარდამხარ მიმავალმა Kansas City Chiefs-მა და San Francisco 49-მა, გამარჯვებულის გამოვლენა მხოლოდ დამატებით დროში მოახერხეს. ისტორიული თამაშის ბედი ერთადერთმა დამიწებამ და განუმეორებელმა პატრიკ მაჰოუმსმა გადაწყვიტა.
Kansas City Chiefs-ის MVP დამსახურებულად გახდა პატრის მაჰოუმსი. ვერ გამოვტოვებთ ტრევის კელსის დიდების მომენტს, რომლის მონაწილედაც ტეილორ სვიფტი იქცა.
როგორც მოსალოდნელი იყო, პოპვარსკვლავმა ტოკიოში გამართული Eras Tour-ის 3 საათიანი კონცერტის შემდეგ, ლას-ვეგასამდე 13 საათი იმისათვის იფრინა, რომ შეყვარებულის, NFL-ის ვარსკვლავის დიდ მატჩს დასწრებოდა. სუპერბოულზე ტეილორი დედასთან, ანდრეა სვიფტთან და მეგობრებთან: ბლეიკ ლაივლისთან და Ice Spice-სთან ერთად გამოჩნდა. დიდი ფინალის დასასრულს კი ტეილორმა და ტრევისმა 58-ე სუპერბოულის ყველაზე დასამხსოვრებელი მომენტიც შექმნეს და გამარჯვება მხურვალე კოცნით აღნიშნეს.
ტეილორ სვიფტი Allegiant Stadium-ზე გამოჩენილი ერთადერთი ვარსკვლავი ნამდვილად არ გახლდათ. ამერიკული სპორტის ყველაზე მნიშვნელოვან ჩემპიონატს ესწრებოდნენ ჯასტინ და ჰეილი ბიბერები, ლანა დელ რეი, ლედი გაგა, პოლ რადი, ელონ მასკი, Jay-Z და ბიონსე ქალიშვილებთან, ბლუ აივისთან და რუმისთან, ერთად.
ბიონსემ სუპერბოულის საღამოსთვის სიურპრიზიც მოამზადა და ჯერ სარეკლამო კამპანიაში გამოჩნდა, მალევე კი ახალი ალბომის Renaissance Act II-ის 29 მარტს გამოსვლა დასანონსა. "Okay, they ready. Drop the new music": ბიონსეს ახალი სინგლები Texas Hold 'Em და 16 Carriages სიახლის გავრცელებისთანავე გახდა ხელმისაწვდომი.
ე.წ. Halftime Show-ს, ანუ შესვენების შოუს დროს კი სცენა Usher-მა დაიკავა. მიუხედავად იმისა, რომ Superbowl-ის სცენაზე გაცილებით შთამბეჭდავი პერფორმანსები გვინახავს, საერთაშორისო მედიის აზრით, Usher-ს უკანასკნელი ათწლეულის მანძილზე, მუსიკალურ კარიერაში ყველაზე დიდი დაბრუნება ჰქონდა. აშერი Halftime Show-ს ერთადერთი მონაწილე არ ყოფილა. 2000-იანი წლების ზეიმს ალიშა ქის და ლუდა კრისიც შეუერთდნენ. მუსიკის ლეგენდებმა დროში გვამოგზაურეს და Superbowl-ისთვის დამახასიათებელი დაივიწყარი მომენტები შექმნეს.
თბილისის კულტურულ გზამკვლევს ეროვნულ გალერეამდე მივყავართ, სადაც ქართველი ცნობილი თუ დავიწყებული მოქანდაკეების ნამუშევრები დაგხვდებათ. გამოფენა “ქანდაკების კოლექცია” ქართული მრგვალი ქანდაკებების ვიზუალურ მახასიათებლებს გვაცნობს და მის 100-წლიან ისტორიას მიჰყვება.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
