25 სექტემბერს, თბილისის ინდუსტრიულ ცენტრში, ლევან (ჭოლა) წულაძის ხელმძღვანელობით, თავისუფალი შემოქმედების კუნძული თეატრი „სახელოსნო 42“ გაიხსნა. ახალმა დამოუკიდებელმა თეატრალურმა სივრცემ პრემიერისთვის, უილიამ შექსპირის „ოტელო“ შეარჩია, რომლის ნახვა მაყურებელს, წერეთლის 114-ში, კოკა-კოლას ყოფილ ქარხანაში, ოქტომბრის ბოლომდე შეეძლება.
ახალი თეატრალური სივრცის საპრემიერო დღეების ფონზე, ყოველდღიურად იზრდება „სახელოსნო 42-ის“ დადებითი გამოხმაურებების რაოდენობაც.
„ეს არის უნიკალური სივრცე, რომელიც არც ერთ სხვა სივრცეს არ ჰგავს, ამიტომ ისეთი რაღაცების კეთების საშუალებას გაძლევს, რაც სხვაგან უბრალოდ ვერ მოხდება! თბილისს აქვს მართლა საოცარი ახალი სივრცე, რომლითაც შეუძლია იამაყოს ლევან წულაძისა და მისი განუმეორებელი გუნდის წყალობით... ჩემთვის ეს თეატრი ნამდვილი მორალური გამარჯვების სიმბოლოა ყველა თვალსაზრისით! მადლობას ვუხდი მათ, ზუსტად ამ ზნეობრივი მაგალითისთვის, მოთმინებისთვის და, რაც მთავარია, დიდი ნიჭისთვის, რომლითაც უმცირეს დეტალებამდე ყველაფერია გაჟღენთილი ამ ახალ სივრცეში და, რომელსაც ხანგრძლივ და ნაყოფიერ სიცოცხლეს ვუსურვებ!“ - აღნიშნა რეჟისორმა დათა თავაძემ.
ახალი თეატრალური სივრცის სახელწოდება სიმბოლურია, რადგან ყველასთვის საყვარელი თეატრალური სარდაფი, სწორედ რუსთაველის 42 ნომერში, წლების განმავლობაში მაყურებელს დაუვიწყარ სპექტაკლებს სთავაზობდა.
თეატრი სახელოსნო 264 ადგილზეა გათვლილი და გარდა სპექტაკლებისა, საგანმანათლებლო პროექტებსა და თანამედროვე ტექნოლოგიის განვითარებაზეა ორიენტირებული. თეატრის მიზანია დამოუკიდებელი თეატრალური ხელოვნების განვითარება სპექტაკლების, პერფორმანსების, დრამატურგიის, კოპროდუქციების სახით - კრეატიული ინდუსტრიის რეალური პლატფორმის შექმნა და ინტეგრირება თბილისის კულტურულ, ეკონომიკურ და სოციალურ განვითარებაში.
გამორჩეული კონცეფციის სახელოვნებო სივრცე, მაყურებელს, ბევრ საინტერესო პროექტს ჰპირდება. „ოტელოზე“ დასასწრები ბილეთების შეძენა შესაძლებელია როგორც Tkt.ge აგრეთვე Biletebi.ge-ზე.
თბილისის კულტურულ გზამკვლევს ეროვნულ გალერეამდე მივყავართ, სადაც ქართველი ცნობილი თუ დავიწყებული მოქანდაკეების ნამუშევრები დაგხვდებათ. გამოფენა “ქანდაკების კოლექცია” ქართული მრგვალი ქანდაკებების ვიზუალურ მახასიათებლებს გვაცნობს და მის 100-წლიან ისტორიას მიჰყვება.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
