რიდლი სკოტის ახალი ფილმის House Of Gucci-ს ხილვის შესაძლებლობა ქართველ მაყურებელს დღეიდან აქვს. მსოფლიო პრემიერების, კრიტიკის და გარჩევების მიუხედავად, რიდლი სკოტის ფილმი ნამდვილად არის ის კინონამუშევარი, რომელსაც მაყურებელი მოუთმენლად ელოდა. ბიოგრაფიული დეტალებით დატვირთული კრიმინალური დრამა 1995 წელს ლეგენდარული იტალიური მოდის სახლის დამაარსებლის შვილიშვილის, მაურიციო გუჩის მკვლელობის შესახებ გვიამბობს.
9 დეკემბრიდან მაყურებლებს პაბლო ლარაინის ახალი ფილმის, Spencer-ის ხილვის შესაძლებლობა მიეცემა. ფილმი, რომელიც პრინცესა დიანას ცხოვრების დეტალებზე კიდევ ერთხელ გვიამბობს, საოცარი სიზუსტით იმეორებს გარდაცვლილი უელსის პრინცესას ჩაცმულობასა და ვარცხნილობას, ლედი დის ხასიათის შტრიხებს კი ამერიკელი მსახიობი კრისტენ სტიუარტი გაგვაცნობს.
Marvel-ის კინოსამყაროში დიდი სიახლეებია, ადამიანი-ობობა (ტომ ჰოლანდი) და დოქტორი სტრეინჯი (ბენედიქტ კამბერბეჩი) დროის ხაზთან "თამაშს" გადაწყვეტენ, რაც არც თუ ისე მშვიდობიანად წარიმართება. პარალელური სამყაროებიდან ადამიან ობობას დოქტორ ოქტავიუსთან და მწვანე გობლინთან მოუწევს ბრძოლა, თუმცა ისინი არა მისი, არამედ ტობი მაკგუაიერისა და ენდრიუ გარფილდის მოწინააღმდეგეები არიან. 15 დეკემბრიდან დიდ ეკრანებზე პასუხი გაეცემა ნანატრ შეკითხვას - ვიხილავთ 3 ადამიან ობობას ერთ ფილმში?
ნეოს არჩევანი წითელსა და ლურჯ აბებს შორის, ზღვარი წარსულსა და აწმყოში, წარმოსახვითსა და რეალურ სამყაროებში ისევ აქტუალურია. დიდი შესვენების შემდეგ კიანუ რივზი ეკრანებს უბრუნდება და ფანტასტიკის ჟანრის ფილმის, Matrix-ის გაგრძელებას წარმოგვიდგენს. როდესაც აწმყო წარსულში ასეთი მონდომებით გაბრუნებს, ღირს კი წითელი აბის მიღება და ყველაფრის თავიდან დაწყება? ამას 16 დეკემბერს შევიტყობთ.
დეკემბრის თვის პრემიერა ჯადოქრობების გარეშე ნამდვილად არ ჩაივლის. დისნეისა და პიქსარის მორიგი ნამუშევარი Encanto კოლუმბიის მაღალ მთებში მცხოვრები მირაბელ მადრიგალის შესახებ გვიამბობს, რომელსაც ჯერაც არ აღმოუჩენია საკუთარ თავში მაგია, რომლითაც მისი ოჯახის წევრები ასე გულუხვად არიან დაჯილდოებული. მირაბელას თავგადასავალს ანიმაციური ფილმის ვიზუალური მხარე კიდევ უფრო ჯადოსნურსა და მიმზიდველს ხდის. Encanto-ს ხილვის საშუალება ქართულ კინოთეატრებში 16 დეკემბრიდან შეგეძლებათ.
შაბათს, 26 ნოემბერს, ფაბრიკას საგამოფენო სივრცეში George Gamez Creative Studio-ს საგამომცემლო ხაზის გახსნა - George Gamez Publishing-ის პირველი წიგნის პრეზენტაციაა დაგეგმილი. „ბიოგრაფიკა“ ასე ეწოდება სერიას, რომელიც გამოჩენილი ქართველი მოღვაწეების ცხოვრებას თანამედროვე კომიქსის სტილში გვიამბობს. „ბიოგრაფიკის“ პირველი ნაწილი ნიკო ფიროსმანის ბიოგრაფიას მიეძღვნა, წიგნში სახალისოდაა მოთხრობილი ფიროსმანის და მარგარიტას ისტორია, ისტორია, რომელმაც მხატვრის ცხოვრება სამუდამოდ შეცვალა.
იმაზე ფიქრისას თუ სად გადის ზღვარი რეალობასა და სინამდვილეს შორის, გამახსენდა იტალიელი რეჟისორი ბერნარდო ბერტოლუჩი, რომლის პერსონაჟებიც ყოველთვის ახერხებენ რომ გაავლონ ეს იდუმალებით მოცული ზღვარი, რეალობასა და ოცნების სამყაროს შორის და მასში სამუდამოდ დაიკარგონ.
ნოემბერი კულტურული მოვლენებით დატვირთული თვე გახლდათ. დედაქალაქში, ერთმანეთის პარალელურად რამდენიმე მნიშვნელოვანი ღონისძიება მიმდინარეობდა და შესაძლოა ამ კულტურულ ციებ-ცხელებაში ისეთი მნიშვნელოვანი გამოფენები გამოგრჩათ, რომლებიც თქვენს დროსა და ყურადღებას იმსახურებდნენ. წარმოგიდგენთ 5 მიმდინარე გამოფენას თბილისში, რომლებიც არ უნდა გამოგრჩეთ.
