რამდენიმე დღის წინ პრაღის ქუჩებში, ჩეხი არტისტის ვერონიკა ფსოტკოვას სკულპტურა გამოჩნდა, რომელიც ხელოვანმა რუსეთ-უკრაინის ომის შედეგად დაზარალებულ უკრაინელ დედებს მიუძღვნა. თხელი ლითონისგან დამზადებული ფუტურისტული სკულპტურა ჰაერში რამდენიმე მეტრის სიმაღლეზეა გამოკიდებული.
ტრადიციულ უკრაინულ სამოსში გამოწყობილი ქალის სკულპტურას, რომელსაც აგრეთვე ტრადიციული უკრაინული თავსაბურავი ამშვენებს, ვერონიკამ „გვირგვინი“ უწოდა. თავსაბურავის სახელად ვინოკის ქსოვის კულტურა ჯერ კიდევ წარმართულ პერიოდში იღებს სათავეს. ამ დეკორატიულ ნივთს, როგორც საგაზაფხულო ფესტივალებისა და ბანაობის ფესტივალების ატრიბუტს, უკრაინელებისთვის ჯადოსნური მნიშვნელოვა ჰქონდა. დროთა განმავლობაში ვინოკი თაყვანისცემისა და დედამიწის სიმბოლოდ იქცა.
უკრაინელი ერის კულტურის განუყოფელ ნაწილს მზის სიმბოლიკაც ჰქონდა, გოგონა თავსაბურავით უკრაინელებისთვის ამომავალ მზეს წარმოადგენდა. ის ასევე არის დიდების, გამარჯვების, ბედნიერების, წარმატების, მშვიდობის, უმანკოების, ახალგაზრდობისა და ქალურობის სიმბოლო.
1981 წელს დაბადებული ვერონიკა ფსოტკოვას ხელწერა პოპკულტურის ძლიერ გავლენას განიცდის. ფიგურულ ხელოვნებაზე ორიენტირებული მოქანდაკისთვის გენდერული თემები, სხეულის ესთეტიკა და ადამიანური კომუნიკაციის საშუალებები შთაგონების მთავარ წყაროებად იქცა.
ვერონიკას ნამუშევრების უდიდესი ნაწილი სწორედ მავთულის ფიგურის კომპოზიციებით არის წარმოდგენილი. ხელოვანისთვის ყველაზე აღმაფრთოვანებელი უშუალოდ სკულპტურებზე მუშაობის პროცესია, თუმცა იმის ხილვა თუ რა გავლენას ახდენს მისი ნამუშევრები მნახველზე, ეს მისთვის მოტივაციის უშრეტი წყაროა.
ჰენრიკ ვიბსკოვის შემოქმედება სცდება მოდის საზღვრებს. იგი დიზაინერი, მხატვარი, კურატორი და მუსიკოსია. მისი ნახატები ისეთ ცნობილ მუზეუმებსა და გალერეებშია გამოფენილი, როგორიცაა ნიუ იორკის MOMA, პარიზის Palais de Tokyo, ლონდონის ICA, კანაძავას The 21st Century Museum of Contemporary art.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
ნიუ-იორკში, პარიზში, ბერლინსა თუ თბილისში სიარულისას ჯენ Z-ის ცნობა მარტივი ამოცანაა. ტექნოლოგიურმა განვითარებამ, გლობალიზაციამ, თავისუფლებამ ახალი თაობის დამახასიათებელი სტილი და მოდა შექმნა.
