ცნობილი ამერიკული მსუიკალური ბენდის Imagine Dragons-ის სიმღერის Crushed-ის ვიდეო კომპოზიცია საარტირელიო ხმებით იწყება, რომელსაც მილიონობით უკრაინელი მოქალაქე მტკივნეულად ამოიცნობს. მუსიკოსებმა კლიპი უკრაინის ფრონტის ხაზზე გადაიღეს და ის თავისუფლებისთვის მებრძოლ ყველა უკრაინელს მიუძღვნეს. კლიპის მთავარი გმირი 14 წლის მოზარდი საშაა, რომლის მშობლიური სოფელი ნოვოგრიგორივკა ხერსონის ოლქში ხუთი თვის განმავლობაში იყო ოკუპირებული.
საშას მშობლიური სახლი თითქმის სრულად დაინგრა, საშამ გადარჩენა მხოლოდ სარდაფში დამალვით მოახერხა.
ვიდეოკლიპზე მუშაობდა რეჟისორი ტაი არნოლდი, რომელიც უკრაინაში გასული წლის ბოლოს ჩაფრინდა. UNITED24-ის დირექტორის, იაროსლავა გრესის თქმით, რეჟისორი ეწვია ბუჩას, ბოროდიანკას, ირპინს, შემდეგ კი ფრონტის ხაზზე, აღმოსავლეთსა და სამხრეთში გადაღებებზე წავიდა. სწორედ იქ გაიცნო რეჟისორმა საშა, რომელიც საბოლოოდ გახდა ვიდეოს მთავარი გმირი.
შეგახსენებთ, რომ ამერიკული ჯგუფი Imagine Dragons და მისი ფრონტმენი დენ რეინოლდსი უკრაინის ტერიტორიაზე სრულმასშტაბიანი შეჭრისა და ომის გამოცხადების დღიდანვე უჭერდნენ მხარს უკრაინას. გასულ წელს ისინი შეუერთდნენ UNITED24 პლატფორმას, რომელიც პრეზიდენტმა ვოლოდიმირ ზელენსკიმ დააარსა. ჯგუფის წყალობით შეგროვდა თანხები სასაწრაფო დახმარების მანქანების შესაძენად, ამავდროულად, შემსრულებლებმა გააუქმეს ყველა კონცერტი რუსეთის ფედერაციაში და აკრძალეს იქ მათი სიმღერების გამოშვება. ევროპის წლევანდელი ტურნეს თუ შევავლებთ თვალს, იმასაც აღმოვაჩენთ, რომ დენ რეინოლდსი და უკრაინის დროშა განუყრელები გახდნენ.
პარიზის ოლიმპიადას მთელი მსოფლიო სულმოუთქმელად ელის. ფრანგი ორგანიზატორები თვეების განმავლობაში ექსტრავაგანტურ გახსნით ცერემონიალზე საუბრობენ და ჩვენი მოლოდინებით დღითი-დღე იზრდება. უკვე ვიცით, რომ სნუპ დოგი ოლიმპიურ სცენაზე ჩირაღდანს მიიტანს, ცერემონიალზე კი ლედი გაგა და სელინ დიონი იმღერებენ.
ქართველი რეჟისორი კიდევ ერთი ქალური დრამით ამჯერად ვენეციაში მიდის. "აპრილი" - ასე ჰქვია ფილმს, რომელშიც მთავარ როლებს ია სუხიტაშვილი, კახა კინწურაშვილი და მერაბ ნინიძე ასრულებენ.
კატა და გენერალი საბჭოთა კავშირის ნგრევით გამოწვეულ რეალობაზე მოგვითხრობს და 1990-იან წლებში ჩეჩნეთის ომებს შეწირული ადამიანების ოცნებებისა და სიცოცხლის ამბებს აცოცხლებს.