მერსედეს-ბენც ციფრული მოდის კვირეულის უკანასკნელი დღეც მოახლოვდა, დღის განრიგში ოთხი ერთმანეთისგან რადიკალურად განსხვავებული დიზაინერი იყო წარმოდგენილი, სწორედ ამიტომ ამ ჩვენებების ხილვის მოლოდინი თავიდანვე მაღალი იყო. დღევანდელი ციფრული ჩვენებების გახსნის პატივი აკა ნანიტაშვილის ბრენდ AKA NANITA-ერგო.
AKA NANITA-ს შემოდგომა/ზამთრის კოლექცია გვთავაზობს ახალ რეალობას, რომელშიც ქალს ინდივიდუალურობისა და შინაგანი ემოციის სწორად გადმოცემის საშუალება მიეცემა.
AKA NANITA-ს შემოდგომა/ზამთრის კოლექციის შთაგონების წყარო, მე-20 საუკუნის მხატვრობა და ქალურობის სწორი ხაზგასმა გახდა. აკა ნანიტაშვილმა მსოფლიო პანდემიის გამოწვევებს პასუხი ახალ კოლექციაში გამოყენებული ქსოვილებით, სილუეტებითა და ფერებით გასცა.
კოლექციის თითოეული ნიმუში ორიენტირებულია ქალური სილამაზის, სინაზისა და იმავდროულად სიძლიერის ჩვენებაზე, ხელისშემშლელი ფაქტორებისა და გარემოებების მიუხედავად.
აკა ნანიტაშვილის ციფრულ ჩვენებაში საპატიო ადგილს იკავებს ზოლიანი პრინტი, რომელიც მისი კოლექციის უდიდეს ნაწილს წარმოადგენს, ის თითქმის ყველგან გვხვდება, მათ შორის ასიმეტრიულ კაბებში, ორნაწილიან სამოსსა თუ კორსეტის სტილის ზედებში. AKA NANITA-ს კოლექციაში, აგრეთვე შეგიძლიათ იხილოთ თავისუფალი სტილის ჯინსის შარვლები და ზედატანები, ფემინური კაბები და ორმაგი მოსაცმელები.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
