მიუხედავად იმისა, რომ Emily in Paris-ს მოწინააღმდეგეების საკმაოდ დიდი არმია ჰყავს და პერიოდულად კრიტიკის ქარ-ცეცხლში ატარებენ ფრანგული კლიშეებისა და წარმოუდგენელი სიუჟეტური ხაზების გამო, ამ ურთულეს პერიოდში, როდესაც პანდემიამ სერიოზული ზიანი მიაყენა სრულიად კაცობრიობას, მის ჯანმრთელობას და მათ შორის ნერვულ სისტემას, ნამდვილად არ გვაწყენდა ასეთი მსუბუქი, ლაღი და გასართობი კინო. პირადად მე და ვიცი, რომ დედამიწის საკმაოდ დიდი ნაწილი, და ალბათ მათ შორის თქვენც, რომელიც გააკრიტიკებს და ჩუმად მაინც უყურებს Emily in Paris-ს, სულმოუთქმელად ველოდებით 22 დეკემბერს და ემილის ახალ სერიებს.
სპოილერ ალერტი, ახალ სეზონში ემილის ახალი ბოიფრენდი ჰყავს და გაბრიელი? გაბრიელი საუკეთესო მეგობრის შეყვარებულია და არსებობს წითელი ხაზი, რომელიც არ უნდა გადაკვეთო ან თუ გადაკვეთთ, უნდა გადაწყვიტო მეგობარი უფრო მნიშვნელოვანია თუ ბიჭი. რაც საკმაოდ რთული აღმოჩნდა ახალგაზრდა ამერიკელი ქალისთვისაც კი. მოკლედ, ემილის ცხოვრება მეორე სეზონშიც ისევ ისეთი ქაოსური, დრამატული და რთულია. თუმცა, ამ ყველაფერში ყველაზე საინტერესოდ ემილის ბოსის, ყველაზე ფრანგი სესილის ფრაზა გაჟღერდა: Oh Emily, you're getting more French by the day (ოჰ ემილი, შენ ყოველდღე უფრო მეტად ფრანგი ხდები). ეჭვი გვაქვს, სესილიმ მთავარი გმირის, ემილის პირადი ცხოვრება იგულისხმა, თუმცა იმედი ვიქონიოთ, რომ ლილი კოლინზის გმირი სტილის კუთხითაც გაგვაოცებს და უფრო მეტად ფრანგულ და დახვეწილ ლუქებს შემოგვთავაზებს.
საქართველო 2025 წლის ფრანკფურტის წიგნის ბაზრობაზე დემოკრატიისა და თავისუფლების გზავნილით წარსდგა. ახლად დაარსებულმა „საქართველოს წიგნის ასოციაციამ“ ქართველი გამომცემლები ერთ კოლექტიურ სტენდზე გააერთიანა, რომლის მთავარი თემა პოლიტპატიმრებისადმი სოლიდარობის გამოხატვას ეძღვნება.
შილდაში დაფუძნებული მეღვინეობა საუკუნოვან ტრადიციას უკვე თანამედროვე მოდასთან აერთიანებს. Chelti Winery ლონდონის მოდის კვირეულის ოფიციალური პარტნიორი გახდა.
Sombr – 20 წლის ნიუ-იორკელი მუსიკოსი, რომელიც თავისი უნიკალური ჟღერადობითა და გულწრფელი ემოციებით ინდიროკისა და პოპის სცენაზე სახელს იხვეჭს. გაიცანით ვინ არის მუსიკალური სამყაროს ახალი სახე, რომელიც ერთ-ერთ ყველაზე პერსპექტიულ არტისტად ითვლება.
