იყო და არა იყო რა... პრინცი ჰარისა და მეგან მარკლის ურთიერთობა რეალურ ცხოვრებაში გადმოტანილ ზღაპარს მოგაგონებდათ, ერთი ნახვით შეყვარების, გზად განვლილი სირთულეებისა და ზუსტად 3 წლის წინ დაგვირგვინებული ჯადოსნური ქორწილით, თუმცა ზღაპრისგან განსხვავებით, ჩვენ შესაძლებლობა მოგვეცა თვალი გვედევნებინა რა იმალება ფრაზის: "და ცხოვრობდნენ დიდხანს და ბედნიერად" მიღმა და დაგვეთანხმებით, რომ ეს 3 წელი წყვილისთვის დიდ მოგზაურობას ჰგავდა.
ქორწინებას სამეფო მოვალეობები მოჰყვა, პრინცი ჰარი და მეგანი პირველ საერთო ტურში გაემგზავრნენ, სადაც სამეფო ოჯახის ახალი წყვილის გულშემატკივრებისთვის ცნობილი გახდა, რომ სასექსის ჰერცოგინია პირველ შვილს ელოდებოდა, 2019 წლის 6 მაისს სამყაროს არცი ჰარისონ მაუნტბატენ-უინძორი მოევლინა, რომელიც საზოგადოებას მშობლებმა რამდენიმე დღეში წარუდგინეს.
პირველი შვილის შეძენიდან რამდენიმე თვეში სასექსებმა გადაწყვეტილება მიიღეს - მათ დიდი ბრიტანეთის სამეფო ოჯახის წევრობაზე უარი განაცხადეს და ჯერ კანადაში, შემდეგ კი ამერიკის შეერთებულ შტატებში განაგრძეს ცხოვრება. რამდენიმე კვირის წინ ჰარიმ და მეგანმა ამ გადაწყვეტილების მთავარ მიზეზებად ტაბლოიდებისა და ყვითელი პრესის არაჯანსაღი დამოკიდებულება მეგანის მიმართ და სამეფო ოჯახის გულგრილობა დაასახელეს.
სასექსის ჰერცოგინიამ სამეფო ოჯახის ერთ-ერთი წევრი რასიზმშიც კი დაადანაშაულა.
ჯადოსნური ქორწილიდან 3 წლის შემდეგ, ჰარი და მეგანი ბედნიერ, სიყვარულით სავსე სახლში ცხოვრობენ, აკეთებენ იმ საქმეს რომელიც ყველაზე მეტად უყვართ და ოჯახში მეორე შვილ - გოგონას ელოდებიან.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
