გასულ შაბათ-კვირას, ბავარიის ალპებში 7 ერის ლიდერებმა ახალ საერთაშორისო შეთანხმებას მიაღწიეს, ერთხმად გადაწყდა, რომ ჰალსტუხები ისეთ ოფიციალურ შეხვედრებზეც კი როგორიც G7-ის სამიტია სავალდებულო აღარ არის, ჰალსტუხების ერა ოფიციალურად წარსულს ჩაბარდა.
კანადის, საფრანგეთის, გერმანიის, იტალიის, იაპონიის, ბრიტანეთის და შეერთებული შტატების ლიდერებმა სამი სამიტის დასასრულს, მთების ფონზე საერთო ფოტოსურათი გადაიღეს. შვიდივე მათგანი ფოტოზე ჰალსტუხის გარეშეა გამოსახული, რაც 40 წლის განმავლობაში პირველად მოხდა.
პოლიტიკოსების ამ მოულოდნელმა არჩევანმა თავისუფლად შეიძლება ასახოს აწმყო, გავიხსენოთ თუნდაც ჯონ კენედი არჩევნების პერიოდში, მისი მოდური არჩევანი მედიის წინაშე ქუდის გარეშე გამოჩენილიყო, სამუდამოდ ჩაიწერა ისტორიაში, ამავე ფაქტმა შეუწყო ხელი ამერიკელ მამაკაცებს შორის ქუდის რეპუტაციის ვარდნამ და საბოლოოდ ოფიციალური შეხვედრების დრესკოდიდან გაქრობამაც კი.
პოლიტიკური ლიდერების გადაწყვეტილებამ კრიტიკოსებისგან „სილა“ დაიმსახურა და ერთ-ერთი ყველაზე მხიარული, კომენტარი, რომელსაც ინტერნეტსივრცეში გადავაწყდით ჯეიმი ბელინგერს ეკუთვნოდა: „რატომ ჰგავს G7-ის სამიტი იმ მამებისა და ბიძების შეკრებას, რომლებაც 35 „ჰეინეკენი“ დალიეს და ქორწილის ბოლოს ფოტოგრაფს აბეზრებენ თავს, სანამ მათი ცოლები ყვრიან, რომ მათი ტაქსი უკვე მოვიდა?“.
ახალზელანდიელმა პოლიტიკოსმა რავირი ვაიტიტიმ აქსესუარს 2021 წელს „კოლონიალური მარყუჟი“ უწოდა მას შემდეგ, რაც პარლამენტიდან ჰალსტუხის ნაცვლად ტრადიციული გულსაკიდის სახელად hei-tiki-ს ტარებისთვის გააძევეს.
„ჰალსტუხის ტარება კლასის, მამაკაცის პრივილეგიისა და სტატუსის ცნებებშია გახვეული, რომელსაც ახალგაზრდა თაობა სულ უფრო მეტად უარყოფს“ - განაცხადა მან.
ის რომ შესაძლოა G7-ის წევრების: მარიო დრაგის, ჯასტინ ტრუდოს, ოლაფ შოლცის, ემანუელ მაკრონის, ჯო ბაიდენის, ბორის ჯონსონისა და ფუმიო კიშიდას არჩევანმა დიდი ძვრა გამოიწვიოს მოდის სამყაროში ეს ფაქტია, თუმცა ისიც უნდა აღინიშნოს, რომ ჰალსტუხებზე მოდის სახლებს ჯერ უარი არ უთქვამთ. მამაკაცის მოდის კვირეულებზე უხვად ვიხილეთ მოდელები აქსესუარში გამოწყბილი, რაც შეეხება Prada-ს ჩვენებას, მან უბრალოდ გვაგრძნობინა, რომ ჰატუხი ზოგჯერ იმაზე მხიარულიც კი შეიძლება იყოს ვიდრე წარმოვიდგენდით.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
